Popular Bible Verses from Joun 13

Share

Oseso ngko honɨngkano hungkuno songo sejopalokweno. Sekwo sekwoe a'amu somne'no sɨmeho wosema'nono. Ngko sekumo sɨmeho sejopalokwe pa'nyoso sekwo sekwoe a'amu somo sɨmeho uyɨmno. Sekwo oso hopa a'amu somo sɨmeho uyɨkujo'no nom'ne a'amuso sehonɨngkuji ole waselɨfe, Jisasɨye inomokomoyo hwasoho. Ose woselantɨfeho.

Ngko sekwoe hwe engo sohwo'ni sekumo hungkuno meselutɨhwayo sohwo'ni ngko sekwoe sɨfemo mijo yosemahono. Sekwo nakwo hwe engo hwona'nyoho lɨkuji nom'ne a'amu sofe sɨfemo mijo miyomapitnnoho lonji selohofohono. Oseso sekwo sohwasi sekwo nom'ni hwafe sɨfemo mijo yɨmaofɨkujo'no hofɨko sekwoe sɨfemo uyosemapɨfe. Olo selohofohe yahino loso nto setɨhwaheso sekwo nom'ni hwamo ose ulohopmno.

Ose ulohonɨngkahonɨngki Jisas ulɨmento, Olohonta olo kilohofalokwe loso kɨko huno makiyohoyohoho. I oso'no hwangku kɨko huno wakiyɨmontonoho.

Ose ulonto ole ulɨmento, Ngko hungkuno nehopi'nohini waselɨmonne'no yohono. Upa'nɨmno. A'amu fihwa hofɨko nom'nihwoe syoho ulohofiyɨwo'nɨngkohofo sohwa hofɨko hofɨkoe hwe engomo muyakolopitnne hwafoho. A'amu fihwa hungkuno motawowo'nɨngkohofo sohwa hofɨko a'amu lɨhwatɨmentiso sohumo muyakolopitnne hwafoho.

Ngko sekwoe hwe engo sohwo'ni ngko olo hiloso selohofohe so'no sekwo olo hungkuno selalokwe hwapɨngoso huno waseyono. Sekwo nom'ne hwamo ulohofoso ngko selohofohe hopaso ifijo'manji sekwo sɨmeho wopɨngo wasemo'nɨmontonoho.

Oseso Jisas kako wopayo fehohnjo moi'wo manyohwo kako nolɨkafonto kakoe nem'no manji'mofo wae yaofonto kako sosayo sɨpo'nyo nomanto kakoe sɨmehopo nano mtitofahinɨmentisofoho. Ose mtitofahinonto kako mijo nomanto noswanopo sisasyonto kako kakoe inomokomoyo sohwona'niye sɨfemo mijo yonema'mentisofoho. Ose yonemanto kakoe sosayo sɨpo'nyo kakoe sɨmehopo mtitofahinɨmentiso so'nji sosayo nasɨpo'mentisofoho.