Popular Bible Verses from Matiu 7

Share

Be Iesu e rangana me poeiena, “Rangataiam ba limiou te lue moen. Na limiou go sakeiam ba limiou te sabie mouen. Na limiou go porokoiam ba tamana te kalata beranou limiou.

Taraha, u katuun te rangatar e lue rouen, na u katuun te saker e sabie rouen, na u katuun te porporokor, a tamana e kalata bera nouen.

Be Iesu e ranga lenina me poeiena, “A katuun te hengoena u raranga i tar, bate kukutie nen e here nei a katuun a atei te hatakeia a luma i tanen ieluna u lapo.

Na tara mamanaka, te ngile milimiou u katuun egi katoeien i tamilimiou, alimiou go kato hasemen i taren. Nonei a mouna u raranga te kana turu buku tere Mosis na turu propet has.”

Kaba limiou go tasu sila mia tara tamana a teki, taraha a tamana a tekteki te la uana tara nitöatöa, na ema katuun a para nei tena tasu roa i tanen.”

“Alimiou go tasu mia tara tamana a tekteki. A tamana a pannen e la uana tara han a omi, na a parpara koru a katuun te tasu ria tara tamana teka.

Alimiou e ka memiou a markato a omi, kaba limiou e hala noa has namiou a manka man niga tara galapien i tamilimiou. Na e Tamamilimiou i Kolö e hala has ranoui limiou a manka a man niga te singo uamia limiou i tanen.

Be Iesu e rangana me poeiena, “Möa tu ona raiam a palair u katuun, be Sunahan tema ona has ranoui limiou. Temar ona mera milimiou a palai, nonei has tena mar ona meraroi limiou. Na temar tara mera milimiou a palair u katuun, nonei has tena mar tara meraroi limiou.

Kaba u katuun te hengoer u raranga i tar batema kukute rien, nori e hereri a katuun a tutu te hatakeia a luma i tanen turu kotolana.

Aha te tara sile milö a tsi bita i matana e toulamölö, ba lö tema taremi a makumun palang i matamölö pouts? Ime te markato uanen balö te poeiem tere toulamölö ‘Lama, ba lia te luba negu a tsi bita i matamölö’ tara pöata te kana a makumun palang i matamölö pouts?

Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena. Alimiou e tatei tara marei sila ramoien tara man hua i taren. E hana, u katuun e antunan patsiki hase ria a huana u grep tara latu a hihitoka? Na a huana u fik tara latu a kits?

A man ruei a man niga e hua haniga hasir, na man ruei a man omi e hua homi hasir.

U ruei u niga ema tatei hua homi nei, na u ruei u omi ema tatei hua haniga has nei.

U mamana u ruei tema hua haniga ri e ngats lupu rariou bate lapo raria turu tula.