Popular Bible Verses from Mak 6

Share

Pen biynimb kuŋay yimb nep amiy apiy geyak, Jiysis binuk gok yip tap ñiŋniŋgiy rek ma ayek, kuyip aŋgak, “Chin biynimb ma mindpay namb okok amiy, yikop mindenjun aŋgak.”

Pen Jiysis kuyip aŋgak, “Bi Gor minim aŋgep gok, miñmon wikan gunap giraŋgey, biyomb chin aŋgiy dipay ak pen; biynimb korip miñmon kiyk key gok, minim kuyip ak ma dipay aŋgak.”

Kun aŋgiy, binuk gok yip bot diy amniyakniŋ, biynimb miñmon kun okok Jiysis amjap aŋgiy, ñiŋg gol ar kinjeŋ par ak nind amiy, Jiysis binuk gok yip amniŋg geyak okok, nind am mindeyak. Jiysis amjakiy kuyip niŋek, kiyk kanj siypsiyp bi kond mindep bap ma mindip rek ak mindeyak. Kun ak niŋek simb gek, kuyip minim gunap tapin aŋgñi mindek.

Nup gosimb ma niŋyak kun ak, tap mageprek gunap ginimuŋ rek ma ayak. Biynimb tap gak gunap nep diniŋek suŋ ayak. Pen Nasaret biynimb nup, Gor Ñinuk yimb aŋgiy gos ak ma niŋeyak, nuk wal yimb aŋgak. Jiysis pen korip miñmon kun okok taŋgyiŋg, biynimb gok kuyip Gor minim ak aŋgñak.

Pen Jiysis biret kaw ak sek, piys omiŋal ak sek diy, kiyoŋgiy niŋiy, Gor nup tep aŋgiy, biret ak tipaŋg binuk gok kuyip ñek, kiyk biynimb gok kuyip bilok ñiyak. Piys omiŋal ak kunep ñek, biynimb gok kuyip bilok ñiyak. Ñeyak, ñimb gey gey kuyip tapin ayak. Tap day day kirgiyak gok, Jiysis binuk gok wand diy yiŋg gey gey, wand onep wimiŋgan ak arachakak.