Popular Bible Verses from Yoane 16

Share

Ifintu ifyo namuŵuleni, ati mwakulukuli neŵutende muli neŵo. Mucalo capansi muli nefyakukululuka; sombi koseni mumitima; neŵo ndicikomekele icalo capansi.

Sombi ili ukesa uyoMupasi wa Ŵucine, ukamutanjilileni mweŵo muli ŵucine ŵonse; pakuti tokalaŵila akufuma kuwine weŋka: sombi ifyo fyopele ifi ukomfwa kuli ŵaTata, efyo ukalaŵila; kaŵili ukamufisulwileni ifyo-fintu ifikesa.

Akale tamwalukulomba neli kantu mwisina lyanji: ŵukumo kamulukulomba, eli mukapoka, ati ukusaŋgalala kwenu kukakumane.

Sombi ndukumuŵuleni ŵucine, ati ukumwelelweni mweŵo ati ŋkakumbuluke; pakuti kani nsikakumbuluka-ko, Umupalamisi teti akese kuli mweŵo; sombi kani ŋkaya neŵo, ŋkamutuma kuli mweŵo. Naye ili akesa akalukwisiŵisya aŵapacalo capansi iceŵo cafyakuŵifya, necafyakuluŋgama, necafyakusololola

Pakuti pali fyefyo namweŵo ŵukumo muli nensoni; sombi ŋkamuwoneni liŵili, eli ikasaŋgalala imitima yenu; nakoko-kusaŋgalala kwenu tapali muntu ukakufumya-mo muli mweŵo. Akasuŵa ako tamukanjipusya-po neli kantu. Cine cine, ndukumuŵuleni ati ifintu fyonse ici mukalomba kuli ŵaTata ŵakamupeleni mwisina lyanji.

Cine cine, ndukumuŵuleni ati mweŵo mukalile'misowa, mukaaŵaila; sombi aŵapacalo capansi wakasaŋgalala: mweŵo mukaŵa nensoni, sombi insoni syenu sikaaluka kusaŋgalala.