Popular Bible Verses from Rom 11

Share

Ma! Yi yö tunġ nġaa pin. Geyö ti tu ala beneġin nġaa pin. Benġaa pin tu yi nġaa. Om hil ġaḳo arë jaḳ na vavunë degwata los degwata. Yönon.

Alam-e! Hil napisek in Anutu in kwa böpata beneraḳ nġaa pin ni los dahis kesuu mehönon pin. Hil su ayoh vu bë ajaḳ yi ġaġek sën kwa nevo lo ni rë, gehil su ayoh vu bë ajaḳ nġaa sën nevonġ lo ni rë.

Yoh vu sën dekevu meneggëp loḳ yi ḳapiya lo bë: “Re raḳ Mehöböp kwa ni? Ma re vo kwa vu yi?”

Lob yiḳ buk sën gwëbeng agi nebë ving. Anutu kwa pesivin alam Israel beggooin sir yu mahen teka raḳ medenedo. Ggooin sir raḳ in yö kwa pesiv in sir, gaḳ su ggooin sir raḳ in denevonġ huk nivesa la rë. Gaḳ nabë ggooin sir raḳ in nelë bë denevonġ nġaa nivesa, og nevonġ loḳ yah nyëvewen vu sir mu gesu kwa pesiv in sir yönon rë.

Yönon, maḳ Anutu keyëh ḳele oliv* nema vahi bevo vër, log ḳo honġ nebë ḳele oliv* bemën nema ti megelu honġ loḳ yah nema vahi sagu lo bej. Lob ġeneḳo jeji ggëp ḳele oliv* sënë ġeġa ving nema soġek vahi lo. Om su gweḳo honġ jaḳ vu nema soġek lo. Nabë gweḳo honġ jaḳ vu, og kwam bo rë. In ġenare raḳ ġeġa, gaḳ ġeġa su nare raḳ honġ rë.