Popular Bible Verses from Mak 13

Share

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Ag haen amu ii dootteb amunu, ag dabmenan dayeg!

Amu ag dahilnu Nai Ena mehuqkkulag amunu, ag aɗualadna hettoɗiakppa maadppeg, hettoɗiakppa mattiak haen ahilag ii nak, ag haen amuppa aɗi akkulagnu dabmak huan aib aoppig. Iitta. Haen amuppaib Kayak Nug nai akkulagnu ippuanatteb, ag nai amuib mehuqeg! Amuppa ag nai ii mehuqmana. Iitta. Kayak Ouɗi Nug nai mehuqkku.

Hab wan ele am iitta mekkulah, amge nai dahil am iitta iinab mema,” awa aum.

Anam amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem, Mama nukka keeke amu dootte.

Amu ag bannu doonna, bannu ulah nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta.

Amunu ag danab, nug nuhig okkai eɗua uɗikkunu dabmaama daakkunu aum amu, ag amubia dabmenana dayeg! Aɗinu? Ag lag mameg nug eɗua uɗikkunu haen ii dootteb; tuebtai, o tugmagtai, o buttua wagɗebtai. Nug laippun eɗua uɗia, tula bekkutai amunu, ag niimnanu dabmeig! Nai imuam ahilagib iitta. Da danab ah oh dilagnu ele attem. “Ag dabmenan dayeg!” awa aum.

Wan laa ag wan laa ele nug qekkulag. Ɗo maɗoɗ laa ag ɗo maɗoɗ laa ele nug qekkulag. Aben laalappa amu mim nebeppeg, enug haen okkai ele nekkulag. Kobol amu oh am nid dokkunu ah ag guittak tatam dootteb, amubia aakkuib.

Dahilnu Nai Ena wan atu ohppanu danab ah amelagppa mehuqppeg amu, malaknu haen miag daakku.

Aɗinu? Danab kuɗum ag da onilppa uɗin, ‘Da am Kristus,’ anana, kuɗum laa buppualadkkulag.

Ag dahilad amu, ag wan imuppan oiyak ahilag dabmeig! Laa ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag. Da onil ahilagppa daatte amunu, ag diiadna king, gabman ele eppelagppa maadppeg, ag hettoɗiadkkulag. Amu ag haen amuppa dahilnu ag amelagppa mehuqkkulag.

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag ag hambuppualadkkulagnu hekkulag, amge elele iitta.

Jesus Nug anam ana, Nug nai baula aum. “Aria, haen amunu uug nau iitta meeb, aam ii amahalma, kalam ele ii amahalma, hoɗoppai laa ag habppanu nena qebeppeg, laa ag uɗalnana, ag ippulag tutukku ii dim lamidmana.