Popular Bible Verses from Genesis 32

Share

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Maɗog apiɗitte, danab amu nug aum. “Wakkaɗom amunu, paɗailppe da gokkul!” awa aum. Nug anam a amu, Jakop nug aum. “Da na ii paɗaidpa! Tatam na itittak ena meɗappe, na paɗaidppi gokkut,” awa aum.

Nug anam ha, nug nukka ag haen tutu dayaknu aab kalak daappigppa appa dayom. Dayeye amu, danab laa be, nug ele nug ehalak heeheh ukke, wakkaɗom.

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Aa anam nug ehalak heyaya, laa nug Jakop eɗidkkunu elele iitta doyom amunu, nug Jakop maɗog aɗe, Jakop maɗog apiɗittom.

Jakop nug anam a amu, danab amu nug aum. “Na onin aun?” A amu Jakop nug aum. “Da Jakop,” awa aum.

Nug anam a amu, Jakop nug danab amu amegppa aum. “Na onin appe, da dookkulnu oɗ medattem,” awa aum. Anam aum, amge danab amu nug aum. “Aɗinu, na da onilnu oɗ mettem?” Nug anam awowa, aa daapiɗppa nug Jakop itittom.

Da am nahip maɗi nid, na dahilnu oo mauhaknab kobol, oo metta ii uuak kobol ele doon hettem, amge da am nid ena amunu na amu helom am iittanab. Anukka da dahil hokkat eleib Jodan le mataɗmi; gemu amu, da danab ameg aɗit ele.

Anam amunu, Israel danab ag haen amuppa digmak uɗiak, gemu ⌊nai imu yaak haenppa⌋ ele, ag diɗi doɗ maɗogppa daatte ii latteb. Aɗinu? Danab eppegppa Jakop maɗog aɗe, apiɗittom.

Anam awowa, Jakop nug unuqitta aum. “O Yawe, na am da alal Abrahamnu Kayak, da mamel Aisaknu Kayak ele. O Yawe, na dahilnu inam ame, ‘Na eɗun, na appan diigppa, amu na nahipadppa ele gumadna goppe, da na ena atognoidkkul,’ aon ame.

Da Esau nug uɗia, da, dahilad ah, amu nid naunau dahilad ele, nug ihinignu ban hekkunu baɗattem amunu, na da ehaniɗppe padal ii mepanu oɗ medattem.