Popular Bible Verses from Genesis 27

Share

Kayak Nug na gu, wan ittag ele medakkunu ool daatte. Ao, Kayak Nug heeb, na ee kuɗum, iɗu iɗu ele daakkutnu ool hette. Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Aisak anam a, Esau nug aum. “Jakop nug onig tutukku dim lamidtte. Haen aɗit nug da hambuppuiɗom. Tatam nug nid danab tatamnu dilag itittak ena anuqak dahil yab bia awom, amu gemu ele nug itittak ena dahil awom!” Nug anam ana amu, nug mameg baula oɗ mettom. “Na itittak ena laippu laa da meɗakkutnu elele iittate?” awa oɗ mettom.

Nug anam gaye, aria Aisak nug aum. “Aben nahip am wan ittag ena ele iitta. Ao, aben nahip am gu okkai ii aoma. Nahip ban hakppa na keeke aon oikkut. Ao, na, na amap waappa daakkut. Na anam daakkut, amge dimppa na bahi yaak dookkut. Na anam doonna, na wagai mena, uug nug na medatte ele amu, na buɗippe gokku,” Aisak nug anam awa aum.

Aisak anam aum, amge Esau nug aum. “O mame, na itittak ena laippu laa iittate? Na da ele itittak ena meɗakkutde!” awa aum. Anam anana amu, nug baula huanak gayom.