Popular Bible Verses from Genesis 15

Share

Aria, Abram nug Yawenu nai ooppa genab doyom amunu, Yawe Nug Abramnu, “Nug am genab tutukku hak danab daatte,” awa aum.

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Abram anam a amu, Yawe Nug nuhig nai imu Abram mettom. “Damaskus danab nug nahip aben, na enun ele ii aoma. Iitta. Na bekkatnab keeke amu oh aokku,” awa aum.

Tone amu, Yawe Nug amegppa aum. “Na imu tutukku doye! Na buɗunad ag geha danab laa dilag wanppa aab diig danab iitta maɗ 400 daaglag. Ag anam daabppeg, wan amuppan danab ag heppeg, na buɗunad ag ahilag begbeg maɗi nid daaglag; amu ag ele ag eheɗ hattaglag.

Yawe Nug anam aum, amge Abram nug aum. “O Naɗi Yawe, da enul oh am attem da ehaniɗkku. Aɗinu? Da nid iitta. Da nid iitta amunu, Damaskus danab laa, Elieser, nug da enul oh aokku.

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Na gemu Amo danab oolagppa oittem amu, ag gemu hipunin huana, okkainab ii hetteb amunu, na gemu wan imu aokkutnu elele iitta. Amge dimppa da anidttem, ag hipunin tuɗidppeg, elab bekku. Aria, haen amuppa da hipunin okkainab ahilag amunu heppi, na buɗunad ag wan imu aoglag. Buɗub buɗub doak waɗeleppa, haen amu gamagppa ag eɗun uɗin aoglag,” awa aum.