Popular Bible Verses from Mateo 27

Share

Poro yi ntaxk skilin, ox ch'ich' cu'lbe'n k'ej, chin wi' nin Jesús ban tan yol: “Elí, Elí, ¿lama sabactani?” Yi na elepont jun yola'tz i'tz: “Ay Ta', ilu' inRyosil, ¿mbi tzuntz yi nchincyaj tilolu'?”

Na quim cunin Jesús yi je'n jakx yi xbu'k yi at swutz yi luwar le templo yi chin xan nin. Cho'n xe'te'n tzaj swi'e'n jalen tzkan. Cwe'n tzun jun chin coblajnob, ninin aj pax e'chk c'ub. Ncha'tz at e'chk nichil alma' yi ninin je' c'abx, nin te yi nsken itz'ij junt tir Jesús at e' alma' yi cyocsnak yi yol Ryos yi e' itz'ij junt tir.

Ẍch'ine'n tzun junt tir Jesús, quimich nin bantz.

Inti yi capitán scyuch' yi e' yi xomche' te'j tan q'uicy'le'n Jesús, yi chinachone'n te yi jun chin wutzile'n coblajnob, nin yi quilol yi mbi cunin bajij, wi'nin chixobe'n, nin cyaltz: —Jun cu'n yol, yi yaje'j i' Cy'ajl Ryos.

Itzun bantz, yi tpone'n chajcu'n k'ej, tz'o'tz nin tunin ban wuxtx'otx' jalen cu'n tpone'n ox ch'ich' cu'lbe'n k'ej. Kalena's tzun skiline'n.

—¿Ẍe'n tzun kulej Jesús, yi na a'lchij Cristo tetz? Chiẍch'ine'n tzun cyakil wunak: —¡Jeken swutz pasyon! —Poro ¿mbi tzun til? —stzun Pilat ban nin scyetz wunak. Quinin chitza'wej. Ntin ja chiẍch'in junt tir: —¡Jeken swutz pasyon!