Popular Bible Verses from Whakatauki 4

Share

Kia pau ou mahara ki te tiaki i tou ngakau; no reira hoki nga putanga o te ora.

Whakatikaia te huarahi o ou waewae, kia u ano hoki ou ara katoa.

Whakarerea te mangai whanoke, kia matara rawa i a koe nga ngutu tutu.

Ko te whakaaro nui te tino mea; no reira whaia mau te whakaaro nui; a i ou whiwhinga katoa, kia whiwhi koe ki te matauranga.

Ko te huarahi ia o te hunga tika, koia ano kei te marama e whiti ana, a ka neke haere tonu ake tona marama, a taea noatia te tino ra. Ko te ara o te hunga kino, me he pouri; e kore ratou e mohio ki te mea i tutuki ai ratou.

Kaua ia e whakarerea, a mana koe e tiaki; arohaina ia, a mana koe e mau ai.

Kia mau ki te ako, kaua e tukua atu; matapoporetia iho, ko tou oranga hoki ia.

Kaua e haere i te ara o te hunga kino, kaua hoki e takahia te huarahi o te hunga he.

Whakarongo, e aku tamariki, ki te whakaako a te matua, tahuri mai hoki kia matauria ai nga whakaaro mohio.