Popular Bible Verses from Zan 16

Share

An -fɔ 'e 'flin an 'wɩnun pɛɛnɔn 'gʋɛ -a 'vɩ 'cɛɛ 'nan -e 'ka 'fʋ -trɔɔ, -e -kaa drɛ min -tʋwli "a -le "wɛan. Ka -taa 'ka yra yɩlɛ 'trɛda, 'pian 'ka -pɔan 'e 'sɔ, an 'trɛda 'plɛblɛ pɛɛnɔn klɩ.»

Bali lei nɛn e 'wɩ tɩglɩ 'ci "sia min lɛ bɛ, -te e -ta bɛ, -yɛɛ 'wɩ tɩglɩ pɛɛnɔn 'ci "sia 'cɛɛ. Ya'a 'wɩ 've 'e 'bɔ 'le 'plɛblɛ 'a dɩ, 'pian 'wɩ nɛn yaa man bɛ, -nyrɛn yaa ve minnun lɛ. 'Wɩ nɛn e -taa "drɛlɛ -kɔɔbli bɛ, -nyrɛn yaa -ci "sia minnun lɛ.

Ka'a tian fɛ -tʋ laabʋlɛ 'an "tɩ 'lɔ te ka ya 'mɛn vɛ -a dɩ. 'Ka laabʋ -yrɔ, yaa -nɔan 'cɛɛ -e 'cee ci "nrandɩ 'e 'ciɩla "da "fo.»

Maan ve 'cɛɛ 'wɩ tɩglɩ 'a 'nan, e ya 'cee 'wɩ "yi "a -e 'an 'kʋ. Kɔɔ -te ma'an 'kʋlɛ dɩɛ, 'ka 'pa "vazan 'ka 'taa dɩ. 'Pian -te an -kʋ bɛ, maan "paa -sia 'cɛɛ. -Te e -ta bɛ, 'wɩ nɛn e cɩ 'wɩ 'wlidɩ "a bɛ 'lee 'wɩ nɛn e cɩ 'wɩ tɩglɩ 'a bɛ 'lee Bali -le tin 'badɩ bɛ, -yɛɛ -ci -kɔɔnman 'trɛdanɔn lɛ.

-A -tʋwli "nɛn "nyian 'cee vɛ -a. Tʋ 'gʋɛ -a bɛ 'ka 'ta a -trɔdrɔ, 'pian an 'ka yɩ pee wo -e 'ka 'ci 'e "nran. Ɛn min -tʋ 'ka 'kɔlaman -e 'e ci "nrandɩ zɩɛ -a 'si 'ka 'lɔ dɩ. Tʋ zɩɛ -a man bɛ, ka'a "nyian 'wɩ 'tʋ laabo 'an 'lɔ dɩ. Maan ve 'cɛɛ 'wɩ tɩglɩ 'a 'nan, fɛ nɛn kaa laabo 'an "tɩ 'lɔ te ka ya 'mɛn vɛ -a bɛ yaa -nɔan 'cɛɛ.

Maan ve 'cɛɛ 'wɩ tɩglɩ 'a 'nan, ka -taa "wuɔlɛ 'kpa tɩglɩ, 'pian te 'trɛdanɔn "le 'ci "nranman. 'Ka 'ta dra -trɔdrɔ, 'pian 'cee ta drɛdɩ -trɔdrɔ zɩɛ e limlan "da ci "nrandɩ -a.