Popular Bible Verses from Mak 16

Share

Osiqa minjrej, “Niŋgi tigelosib sawa sawa kalil keretosib tamo uŋgasari kalil naŋgi ijo anjam bole minjroqnsib laqniye.

Tamo naŋgi e qa naŋgo areqalo siŋgilatqab qaji naŋgi maŋwa gargekoba endegsib yoqnqab. Naŋgi ijo ñam na mondor uge uge winjroqnqab. Qotei na naŋgo meŋ bulyetnjroqnimqa naŋgi anjam bunuj maroqnqab. Naŋgi baŋ waiysib amal uge ojoqnib dena moreŋqasai. Naŋgi ya uge uge uyoqnib dena dego moreŋqasai. Naŋgi tamo ma ti naŋgo gateq di baŋ atoqnibqa naŋgi olo boleoqnqab.”

Tamo naŋgi e qa naŋgo areqalo siŋgilatosib yanso oqab qaji naŋgi di Qotei na oqas. Ariya tamo naŋgi e qa naŋgo areqalo siŋgilatqasai qaji naŋgi di Qotei na naŋgo une qa peginjrsim awai uge enjrqas.

Onaqa aqa aŋgro naŋgi jaraiosib sawa sawa kalil keretosib Yesus aqa anjam bole minjre minjre laqneb. Laqnabqa Tamo Koba Yesus a naŋgi koba na wauoqnsiqa maŋwa gargekoba yeqnaqa dena naŋgo anjam siŋgilaoqnej.

Onaqa aŋgro wala na minjrej, “Niŋgi ulaaib. E qalie, niŋgi Yesus Nasaret qaji ŋamburbasq di qameb qaji a qa ŋameqnub. A endi sosai. A subq na tigelqo. Niŋgi bosib sub miligi uniye. A ŋeioteb qaji lume agi unu.

Degsi maroqnsib gilsib ŋam ateb meniŋ kobaquja di waqosiq taqalq di sonaq uneb. Meniŋ di tulaŋ kobaquja. Onaqa naŋgi sub meq aisib aŋgro wala bei baŋ woq di awesonaq unsib tulaŋ ulaugeteb. Aŋgro wala di aqa gara tulaŋ qat.