Popular Bible Verses from Mak 14

Share

Degsi minjrsiqa olo kiñala sasalosiqa mandamq di ŋam quosiqa Qotei pailyosiq minjej, “O Aba. (Di Hibru anjam. Aqa damu, “O Abu.”) Gam bei soqnimqa ni na marimqa gulube aqa bati bqo endi e buŋbosim gilem. Ni kumbra kalil yqa kere. Deqa ni na marimqa gulube endi e qa baiq. Uŋgum, ni ijo areqalo dauryaim. Ni ino segi areqalo dauryosim ye.”

Niŋgi ŋereŋaib. Niŋgi ŋam sosib pailyoqniye. Amqa gulube bei nuŋgoq bqas dena niŋgi uneq waiŋgwasai. Bole, nuŋgo areqalo kalil e daurbqajqa unu. Ariya niŋgi segi gulube di oqajqa niŋgi siŋgila saiqoji.”

Niŋgi quiye. E bole merŋgwai. Bunuqna ijo wau tamo naŋgi sawa sawa kalilq dia ijo anjam bole mare mare laqnsibqa uŋa endi ijo jejamuq di goreŋ bilentqo qaji a qa are qaloqnsib maroqnqab.”

Osiqa aqa aŋgro qalub naŋgi minjrej, “E are tulaŋ gulubekobaibqo. Gulube dena e moiepratonum. Deqa niŋgi e ombla endia sosimqa ŋam atoqniye.”

Yesus a na aqa aŋgro naŋgi anjam degsi minjrsiqa naŋgi koba na iŋgi uyoqnsibqa Yesus a Qotei pailyosiqa bem bei osiq giŋgeŋyosiqa naŋgi enjrsiqa endegsi minjrej, “Endi ijo jejamu. Osib uyiye.”

Osiqa wain osiqa gambaŋq di bilentosiqa Qotei pailyosiqa aqa aŋgro naŋgi enjrnaqa naŋgi kalil osib uyeb. Onaqa Yesus na minjrej, “Wain gambaŋ endi ijo leŋ. Tamo uŋgasari gargekoba naŋgo une kobotetnjrqajqa deqa ijo leŋ aisim Qotei aqa anjam bunuj nami gereiyej qaji di siŋgilatqas.

Naŋgi manaq oqoqnsibqa Yesus na minjrej, “Niŋgi kalil ijo ñam ulontosib e uratbosib jaraiqab. Nuŋgo kumbra deqa Qotei aqa anjam bei nami endegsib neŋgreŋyeb unu, ‘E na kaja naŋgo mandor qalitqa kaja naŋgi segi segi jaraiqab.’ Qotei aqa anjam nami degsib neŋgreŋyeb.

Niŋgi tigelab gilqom. Tamo e ojsim jeu tamo naŋgo baŋq di atqajqa agi brantqo.”

Onaqa Yesus na kamba Pita minjej, “Ni que. E bole mermqai. Qolo qujai endeqa tuwe anjamoaiyeltosaisoqnimqa ni gisaŋoqalubtsim marqam, ‘E Yesus qaliesai.’”