Popular Bible Verses from Aposel 1

Share

Ariya Qotei aqa Mondor nuŋgoq bamqa niŋgi siŋgila osib e qa anjam mare mare laqniye. Niŋgi Jerusalem endia, Judia sawaq dia, Samaria sawaq dia, sawa sawa kalil keretosib e qa anjam mare mare laqniye.”

Onaqa Yesus na minjrej, “Niŋgi bati di qalieqa maraib. Di nuŋgo wau sai. Di ijo Abu aqa wau. A segi na bati di giltej unu.

Onaqa bati bei Yesus na aqa aŋgro naŋgi olo koroinjrsiqa minjrej, “Niŋgi Jerusalem urataib. Ijo Abu aqa Mondor niŋgi nami eŋgwa marej qaji deqa niŋgi tariŋoqnsib soqniye. E nami niŋgi deqa merŋgoqnem. Jon a ya na tamo uŋgasari naŋgi laŋa yansnjroqnej. Ariya bati qudei koboamqa e Qotei aqa Mondor na niŋgi yansŋgwai.”

Nami Yesus a jaqatiŋ koba osiq moiej. Osiqa olo subq na tigelosiqa aqa segi aŋgro naŋgoq di brantoqnsiqa maŋwa gargekoba yeqnaqa naŋgi unoqneb. Unoqnsib maroqneb, “Bole, Yesus a subq na tigelqo. A ŋambile unu.” Bati 40 qa Yesus a mandamq di sosiqa aqa aŋgro naŋgoq di brantoqnej. Brantoqnsiqa Qotei a tamo uŋgasari naŋgo Mandor Koba sosiqa naŋgi taqatnjrejunu anjam di minjroqnej.

Yesus a na aqa aŋgro naŋgi anjam degsi minjrsiqa a mandam uratosiq laŋ goge oqeqnaq naŋgi a koqyesoqneb. Onaqa laŋbi na a kabutonaqa naŋgi a olo unosai.

Naŋgi laŋ goge tarosib ŋam ateqnabqa tamo aiyel gara qat jigeb qaji naŋgi bosib naŋgo areq di tigelosib minjreb, “O Galili qaji tamo, niŋgi kiyaqa laŋ goge tarosib ŋam ateqnub? Yesus a niŋgi uratŋgsiqa laŋ goge oqeqnaq niŋgi unonub mondoŋ a degsim olo bqas.”