Popular Bible Verses from Ol Provep 26

Share

Aa meda nipu epe redepone kone nasalia-daare nepara epe agaa meda natea. Goa palia-ga neme nipuna agaa na-abulape: Neme nipuna agaa abute raburi wala nipumi pea pali. Epe kone nai aame ne-para wae agaa tea-daare nipuna agaa abulape. Na-abute raburi nipumi makua kone ora epeta kone salia.

Kone waru na-i aamere nipuna abade maeyae-rupa wala maeyaaya. Go peare yana-me maaku ratu ruboa wala mea neade-rupa mada pea.

Repena kaapu repena ralae-para na-iralimi raburi gore repena naralia. Go page aanumi maa agaa natemere go yaweme ratu dia yalia.

Aa medame nipuna bipa nipu wae yaenu pa pu aano kone sua paliare nipuna bipa nipu otaa. Gore aa medame koyati pa onaa awena kone sua ia pare wala nipuna bipa mo koyati patemede-rupa mada pea. Gore aana agaare rudu madaa sone mea pea pare wala perene ipua nipu epa tea-rupa mada yade.

Aa meda epe kone nasaliadare niaame nipu mada rabamua epe kone mogealima pae? Maria. Pare go aa nipumi oyae luabu makuaayo kone salia-dare niaame go aa agaa mana loa rabameape-rupa mada dia.

Gore aa laapome yada yada pua ratu yawalipi rabu aa medame nipu pua rabamealia-dare go aa nipu yana pupulaina aane pua ripinae nona pia pea.