Popular Bible Verses from Eklisiatis 3

Share

Oyae luabu go su-amaa opeare nipuna opape yapidina opea.

Gote-me niaa onaa go su-amaa madiape di gua wala omape di page gea. Eta wai poape yapidi page gua eta naape awape yapidi page gea. Gote-me onaa yaina maetape page aa tumaope yapidi page luabu nipumi saaya. Nipumi oyae maoyaatua wala maepeape yapidi page nipumi ama pea.

Nipumi re lape yapi di page giri lape yapidi page nipumi ama saaya. Odo omape di page yasa pawa lape di page saaya. Nipumi onaa rapu patape yapidi page saaya rekena sua gimape yapidi page saaya. Ona ripinape page ona naorape yapidi page saaya.

Laplap marae riripia wala rabulape di page saaya. Agaa lorape yapidi page agaa lape di page saaya. Di mo robaa kalape ao para di mo ratu yawape ao saaya. Yada pape page gimape yapidi page saaya.

Oyaenu alupae asapape yapidi page oyae alupape yapidi page saaya. Oyae waru amagepu sape di page saya oyaenu yolo rubape di page saaya.

Gote nipuna peanu senisi napea-daa neme waru makuaayo. Dia go piane aure oroyalo pa su-aalia. Gote nipumi pulalo peare aa medame makibumawa mada napalia. Gote nipuna pea rayore medame na-alopalimi. Gote-me go pisare onaa luabu nipuna rolo-para pirinalo pisa.

Goteme onaanu koso latalo palia raburi neme gupa kone saayo. Epea pi waea pi onaa raayo ado kiritua rumalia kone i yapi medame.