Popular Bible Verses from Isaias 43

Share

su beǥu en is menge ebeelan ku. Ne neveelan en heini, wazè niw ve maahà? Ebaal a te zalan wey menge teheb diyà te disirtu.

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Piru kenè niw en siguduwi isipa is midlavey en

Piru ǥuntaan iyan heini egkeǥiyen te NENGAZEN, he midlimbag kenikew, He Israel: “Kenè ka mahandek su edlibriyen ku sikew, ngazan nu is in-umew ku kenikew, ne ǥaked ku sikew.

Ibeǥey ku is duma he menge etew ilis kenikew, tenged te mevali wey dungganen is ked-isipa ku kenikew, wey tenged te minahal ku sikew.

Su iyan a, is NENGAZEN Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Kenè ka mahandek su zuma a kenikew. Edtiǥumen ku is menge kevuwazan nu puun te edsilaan wey edsenlepan.

“Iyan a mismu mid-awà te menge salè nu su para meveǥayi a te zengeg, ne kenè ku en heini edtentenuzan.

Sikiyu is menge etew ziyà te Israel, iyan kew menge tistiǥus ku. Mibpilì ku sikiyu he menge suluǥuen ku wey a keniyu mekilala, ne edtuu kew kedì ne egkesavut niw he iyan e zà Megbevayà. Ne wazè en duma he Megbevayà he nehuna kedì etawa ebpeketinundug kedì.

Iyan e zà NENGAZEN, ne ǥawas kedì wazè en duma pa he Menluluwas.

Puun pe zengan iyan e en Megbevayà. Wazà ebpekelingkawas puun te ǥehem ku. Wazà ebpekehimu he edhalin te menge vaal ku.”

Minsan is leew he menge langgam ebeǥey kedì te zengeg, ragkes is leew he menge asu wey is menge ekang, su mibeǥey a te menge teheb diyà te disirtu su para zuen meinum te menge etew he pinilì ku. Iyan heini menge etew he midlimbag ku su para mehimu he kediey, wey para deliǥa e zan.

Egkaǥi a ziyà te menge nasyun he ziyà te zizaya wey zivavà te vey-ani zan en is menge kevuwazan nu he edlikù diyà te tanè dan, ne ibpeulì en sikandan puun te meziyù he menge lugar. Iyan sikandan menge etew he midtawag ku; midlimbag ku sikandan para meveǥayi a te zengeg.”

Iyan a, kes NENGAZEN he mibaal te veyeey ziyà te teliwazà te zaǥat. Midtiǥum ku is menge kerwahi, menge kudà, wey menge sundaru te Ehipto, ne midezeetan sikandan diyà te zaǥat, ne kenè en sikandan ebpekeenew. Neiring sikandan te sulù he neevukan.

Iyan a, is NENGAZEN, he Waǥas he Megbevayè niw, iyan a mibaal te Israel, iyan a hadì niw.