Popular Bible Verses from Maki 11

Share

“'Enega yaeonami to'ase waside Yaubada 'ena, wada emisa tuga be ma'etamo wada loba.

Wate yaona 'ai'aila 'emiya 'eguma yaita 'oyo nigeya 'uda enuwanaluwa ta esi 'uemiemisa be to'ase 'uda ona sida apwesa tuga, 'eguma 'oya gote 'uloine be 'ugwae, ‘'Umiya dolo olaya,’ 'imu ona 'ida ematamatane tuga.

Wate 'abo wasidasida Yaubada 'ena, gosemiyao 'idi loegesiyao wanuwataudi 'abo to'ase 'idi bubuna 'emiya, be gete 'enega Tamami galewaya 'omi wate 'imi loegesiyao 'ida nuwataudi.”

Ta Yesu 'ieonedi, 'igwae, “'Eguma 'imi emisa wasa'u Yaubada 'ena, 'omi wate 'imi guinuwa waiwaidi wada guinuwedi.

Ga 'ie'itedi 'igwae, “Nai Buki Tabu 'ena Yaubada 'ina ona si'etoladina wamwalatonina, 'igwae, ‘'Igu anuwa sida eese anuwa 'ebe sidasida tomota maibo'adi manudi,’ ta 'omi wagibunina ga 'aene 'imi 'ebe 'ipwala.”

Ta 'aina boda Yesu sianuganena ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki 'Inapwana, Yaubada 'ana esanega 'umai sabi 'etoseyema.

'Ebeloina tubumao Debida 'enega 'iapwesa limanama. Gete manuna Yaubada Toloetana sana 'atuputupu.”