Popular Bible Verses from Luke 9

Share

'Enega muliyega maibo'adi 'ediya 'igwae, “'Eguma yaita 'oyo nuwanuwayo be 'umuliyegu, geya'abo tauyo manuyo 'unuwanuwa. Ta esi tauyo 'amu kelose 'u'aali 'asiyata 'ebweuna 'ebweuna, be 'enega 'umuliyegu.

Ta 'eguma yaita yawasi 'iegagale, ma'etamo yawasi nina 'iloseye. Ta 'eguma yaita yawasina manugu 'itagwale be 'imwamwawasa, tauna 'iabe yawasina bobo'ana 'iloba.

'Enega Yesu wate 'ieonena, 'igwae, “'Eguma yaita 'oyo nuwanuwayo be 'upaisewa ta ma imu enuwanaluwa, nigeya 'ilobwelobweneyo be Yaubada 'ina 'ebeloina manuna 'upaisewa.”

'Eguma 'ida esaesao sinabwa wawasae talobadi nate yage besobeso, ta esi yage sinabwana nate yawasida bobo'ana. Manuna 'eguma yawasida bobo'ana taloseyedi, nate mwau wawasae.

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu, ma'etamo yada eyaseyaseyeyo tuta nina 'abo ma 'agu tupu yailama, ta wate Tamagu be 'ina aniloseyao ma idi esaesa ma'egwao.

'Enega Yesu tai nina 'ieonena, 'igwae, “Kedewa bomitawa ma idi gaula ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

“Gwama gete wa'ita. 'Abo yaita 'oyo gwama gete nadigega manugu 'uobobome, 'oyo nate ni'atu 'uobobomegu, ta wate 'agu Toetune nina ni'atu 'uobobomena. 'Enega 'abo yaita 'emiyega 'ana esana nigeya sinabwana tauna 'iloetana sinemi.”