Popular Bible Verses from Luke 17

Share

'Enega 'imu emisega 'etoseyana 'ulobena. Bobo'ana, 'utoolo be 'utatauya.”

Ta 'abo tasimuna 'asiyata 'ebweuna 'enaya be masebeni 'iguinuwa to'umalina 'emuya, be tuta 'ebweuna 'ebweuna 'enaya 'isidasida 'emuya sabi nuwatauna, 'ilobweneyo be maibo'ana 'uda nuwataudi.”

ta 'ebweuna tai 'ediyega tauna goma Sameliana 'i'itena 'aene ni'atu 'ibobo'ana, 'enega 'iila limana ga 'enana sinabwanega Yaubada 'itupuna, ga Yesu 'aenaya 'ibe'u sanamwa'uta ga 'ena 'ilokagutoki.

“'Enega wada 'ita'i'isimi, be 'abo tasiyo 'emuya 'iguinuwa to'umalina, 'utoo be ma'iyayo wada giepaepalu, be 'abo ni'atu ma ina nuwa bobo'ana 'uda nuwatau.

'Enega Yesu tai nina 'ieonena, “Ni'a wate sanau yagie bobo'anemi, ta mwa'o site naini nidi?

Ta 'inapwana nina 'igwae, “'Eguma 'imi emisa 'ana waiwai nadigega beno atuna, sawesawemiya be kaiwe gete sinabwana 'ena wada ona be wagwae, ‘'Uetodabuyo be olaya tauyo 'uasoyo,’ 'imi ona nina 'iematamatane.”

“Manuna 'abo yaita tauna yawasina manuna 'ietapewa, 'iabe yawasina nina 'iloseye; ta 'abo yaita yawasina 'itatagwala be 'iloseye, ma'etamo 'ida lobalima.

'Enega Yesu 'ina tononoyao 'ieonedi, 'igwae, “Tomota 'aidi 'iabe 'ebetoo yaudi siguinuwedi 'emiya be 'aene sida giebe'uyemi, ta 'abo yaisigedi taudi 'ebe toona nidi siguinuwedi nuwa'ole'oledi sa'i! 'Enega 'abo yaita togiebe'u nina, 'ilobwenena be gulewa sinabwana sida losipwa 'otonaya be ni'u gaigaiya sida ulamwa'ute be 'enega geya'abo gogama simulimuliye.

“'Igu mai limana 'ana tuta Noa 'ina tuta nadigega. Manuna Noa 'ina tutaya tomota si'e'ai ta sinumanuma ta wate me'olotodi be mewainedi siaiai ga 'ana laba Noa 'ina wagaya 'igelu ga muluwa 'iapwesa ga 'enega tomota maibo'adi 'ipe'udi, ta 'abo'agu Tomota Natuna 'igu ila limanama nadigega.