Popular Bible Verses from Luke 14

Share

“Yaita 'abo nuwanuwana be 'imuliyegu, nugana 'ida yala'ai'ailigu ta tamana be sinana be mwanena be natunao be tasinao be nuunao ta wate tauna tuga manuna 'ida guitoyasedi. Ta 'eguma nigeya, tauna nigeya 'agu tomuliya.

Ta 'abo yaita yawasina nigeya 'itagwatagwalei be 'imwamwawasa kelose 'enaya nadigega 'abo'agu, tauna nigeya sawesawenaya be 'imuliyegu.

Gete 'enega tamwalatoni 'aene yaita tauna 'igitu'eye 'etamo 'iebusi; ta 'abo yaita tauna 'igimwa'ute 'iabe 'itutu'e.”

'Enega Yesu 'ina emataluwa 'ilosalonina, ga 'ediya 'igwae, “Gete nadigega wate 'agu muliya 'ana 'eda. 'Eguma yaita 'oyo nuwanuwayo be 'umuliyegu, nugana 'imu 'ebeloina maibo'ana 'uda pilisinedi.

Nadigega tuga 'abo yaita nuwanuwana be anuwa sinabwana 'i'abi, nugana yage maibo'adi 'ida gibubudi 'abi nina manuna, 'abona nai 'ola namo 'ietoolodi be geya'abo anuwa maibo'ana 'ilosalosaloni. Gete 'enega 'iabe tomota si'ita be tai nina situyeye be sida gwae, ‘Tai gete 'atuwa waiwaina ga 'ola 'ietoolodi ta nigeya anuwa nina maibo'ana 'i'abi'abi.’

Ta esiya 'abo 'emasula 'uguinuwe, taudi gomagomabesodi be bwalobwalogodi be tolopegoi be wate tomatakebokebo 'uda bwauyedi, be 'enega 'awabobo'ana 'ai'aila 'uloba, manuna gete taudi nigeya sawesawediya be 'imu oboboma nina sie'isa. Ta esi Yaubada 'enega 'amu e'isa 'uda loba, tuta nina 'abo tobobo'adi mwawasega 'igietoolodi.”

“Ola yage bobo'ana. Ta 'eguma 'ina waiwai 'igugumwala, nigeya sawesawenaya be 'ibobo'ana limana. Nigeya wate 'ilobwelobwene be bwa'a 'igiebobo'ane, ta esi tada guitoyase namo. “'Eguma matenami ona gete wada nono.”