Popular Bible Verses from Yoni 19

Share

Ta muliyega Yesu 'igwae, “Ni'atu.” 'Enega 'otona 'i'eno'una, ga yawasina 'igumwala.

Gete 'ena Yesu 'imwalatonina 'aene yage yauyaudi ni'atu 'ilosalonidi, 'enega 'igwae, “Tona'agu 'iyapasa”. Be ona gete 'enega Buki Tabu 'ina simana 'ida apwesa 'ai'aila.

Gote 'ena Yesu 'isanamwa'uta ga sinana be iine nidi ma'enao 'i'itedi, ta wate 'ina tonono nina gosiya 'ai'ailina 'i'itena. 'Enega sinana 'ena 'igwae, “Sinagu, tai nate natuyo.” Ta wate tai nina 'ena 'igwae, “Gosiyagu, nate sinayo.” Gote 'ena Yesu 'ina mwawasa mulinaya tai nina Yesu sinana 'i'au'ewena 'ina 'asaya ga 'i'ita'i'isina.

Ta wate simai Yesu 'ena ga si'itena tauna ni'atu 'imwawasa, 'enega nigeya 'aena silasalasadi. Ta tolosaiya 'ebweu gita 'igilagasina ga Yesu lesulesunaya 'ibadina, ga lala be bwasi sidau.

Yage nidi gete ni'atu siapwesa be 'enega Buki Tabu 'ina simana 'ida apwesa, tuta nina 'igwae, “Geya'abo sa'i lulunao silasalasadi.” Ta wate Buki Tabu nina 'ebweu 'ina simana 'igwae, “Tai nina sibadinaya ma'etamo siduneye.”

'Enega tolosaiyao nidi Yesu sigiyaina ga sitauyena. Yesu tauna 'ana kelose 'i'aalina ga ma'enao sitauya 'ebweu sena 'ena, 'ana esana ‘Bulubulu’, 'ena Yudia nate Goligota.

Ta wate tolosaiyao nidi kwakwakwala si'ewena ga 'ana peyaula siyonina, 'enega debanaya sisa'una. Ta wate 'oama esaesa si'ewena ga 'enega sie'oamena