Popular Bible Verses from Guinuwa 1

Share

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Ta Yesu 'igwae, “Tamagu tauna 'iloiloina, ta nigeya sawesawenaya be 'omi wamwalatoni to tuta 'ina loinao nidi 'ida guinuwedi.

'Etamo ma'ediya simiyami ta 'adi loina 'i'ebwa'edi, 'igwae, “Geya'abo Yelusalema wapilipilisine, ta esi Tamadai 'ina onaupaupa nina lowa yaeonemiya manuna wayamwayamwa. Wanuwa'i'isi 'aene Yoni bwasiyega 'igiebapitaisoemi, ta 'asiyata nigeya yauna simiyami be 'omi 'imi bapitaiso Yaluyaluwa Tabuna 'enega wada loba.”

'Asiyata poti soladiya 'iapweapwesa 'ediya, ga 'ebe'ita yaudi 'ie'itedi, 'enega 'ina toololimana si'awa 'ai'ailena, ta Yaubada 'ina loina manuna 'ie'itedi.

Ni'atu 'ina ona getedi 'ilosalonidi, ga matadiyega Yesu si'itena 'itu'e galewaya, ta pwana solanaya 'ikwaiya.

Ni'atu 'ipilisinedi, ta 'etamo sidunedune galewaya, ga tai 'eluwa ma 'adi 'oama wakewakekedi selabediya sitoolo, ga sigwae, “Me Galili ye, to'ase manuna wadunedune galewaya? Yaubada ni'atu Yesu nina 'i'au'ewena galewaya, ta ma'etamo 'imwa'uta limanama, be 'ina mwa'utama 'ana 'ita 'etamo nadigega 'ina tu'e nina ni'a wa'itena.”