Popular Bible Verses from Marc 11

Share

Ö kââ-ré gö êr̂ê yè-ve êr̂ê, pâr̂â kââ ré gëve yè pëër̂ii rö-i pwaér̂ö, na e na gëve tâ néwèi êr̂ê, gëve yè mâ cëi, nè yè bör̂i yexèvè yè-ve.

Avâr̂i gö êr̂ê yè-ve êr̂ê: “Ö kâmö ré yè êr̂ê yè gwêêwè-a êr̂ê, vi xè-a na gèi mâ yer̂e-i ö nérhëë, ö kâmö ré ka da wii na vi rhèè rö wêê nénââ xi-e, aè na tâ néwèi êr̂ê, nè mâ pwa na pè yexèvè ö kââ-ré na êr̂ê, wè nè yè yexèvè yè-è.”

Aè na ki gëve tâ tömâ mâ pwaér̂ö, cöö nô ka tö pwéé-ve yè dèxâ kâmö, cè ki cöö bar̂ee nô ka yaané xe-ve na Pevaa xe-ve rö rua nékö.

Na aʼcëi na Ièsu, êr̂ê: «Gëve tâ néwèi yè Bâô na gëve!

Mâ na aʼpâgür̂ü yè-r̂é êr̂ê: «Na wêr̂êi, na da êr̂ê na ka yu mâ êr̂ê: “É yè aʼyè mwâ xi-nya êr̂ê mwâ vi pwaér̂ö i bwêêiapâ wânii. Aè gëve pugèwè-è cè ki mwâér̂é i pâr̂â kâmö pa pâr̂â!”»

Mâ cér̂é wânii pa vi baayê ma' pa vi rhaadè, wè cér̂é rhau aʼvè kau êr̂ê: «Hosana, na kau mâmâ na ko ce ré pwa mi rö-i néé ör̂ökau.

Ki yè aʼvui mwâcir̂i i David pevaa xé-r̂é, ka mö ké pwa mi. Hosana cêmè rö rua xa mwâr̂â!»