Popular Bible Verses from MARKUS 13

Share

Mung dulu ke miʹi neng ikem ban tuman ncem mahu ngadan anun nceʹ. Un sepuʹo aheʹ iaʹ mihen pa tai kuʹo ho, ia lete iaʹ atek ke tisen puyan iaʹ pudip ia dalem Tuhan.”

Mengaʹ ngan jagaʹ tiga le, moʹ abeʹ kem tisen midan tau ue ke nai.

Buk dulu ke dakep ikem, ngan tai ngkin ikem palaʹ ukoʹ diaʹ lataʹ pebetep tiraʹ, ayen janga ke pekimet inu iaʹ ikem ke pisiu. Tegoʹ kenai jakaʹ iaʹ tekep, mejo ne isiu iaʹ Tuhan naʹ mikem ina. Ban ne isiu iaʹ ikem ke pisiu ʹo, abeʹ e un isiu hem tengen, di lareʹ isiu ina nai cen Berua Buheʹ.

Ke salai pe langit ngan tanaʹ, un sepuʹo tiraʹ keʹ nyahut te abeʹ un ketai salai ne.”

“Buk le lemutu neng tau ngan jam ina are, nyahut ca kelunan abeʹ un tisen kidi ne. Melikat kaʹ surga pe abeʹ un tisen, ngan Anak Sio ini pe abeʹ un tisen, pit bang Amai Bioʹ le iaʹ tisen kidi.

Ngan laʹa ayen ncem bisau tekaʹ tegoʹ kem kenahan dau denga dulu pepatai, naʹ pe nyeng kata ikem, ngan pekina pe coʹ kata ikem. Moʹ sematu puyan ina ke nuyan lete ʹo. Ayen ncem kuma ha ina ne tai kuʹo udip kusun tanaʹ ini.

Pekina lete tiga hem jagaʹ, moʹ abeʹ kem tisen midan laki bioʹ iaʹ tuʹa amin ina kenai ngeliwet. Masaʹ tegoʹ tai tahup taʹin. Masaʹ beluaʹ alem taʹin, tegoʹ tekuʹuk iap taʹin, tegoʹ kenai dema taʹin. Ayen ne taʹan ikem luntoʹ tegoʹ kenai ie abeʹ. Isiu heʹ neng ikem dini, isiu ina lete iaʹ akeʹ ke badaʹ me mung kelunan, iaʹ ina: Tiga hem lemuto jagaʹ.”

Atek dulu ke pepatai lete. Ca tanaʹ ke ti ngan dulu kaʹ tanaʹ diaʹ ca. Ngan pekina pe dulu dalem gaham ca laja ke ti ngan dulu dalem gaham laja diaʹ ca. Ngan tanaʹ ke liung ʹo, mele kempi kempi pe. Ngan kelunan pe ke lien ʹo. Ketoʹ puyan dina are koʹ baʹan tading tekaʹ ca leto sakit nganak are.

Ban ne denga Injil ini atek le ke pedenga me ketoʹ naʹan lepoʹ kena tai kuʹo udip kusun tanaʹ ini.

Ban ne kadoʹ kelunan kenai man ngadan nceʹ ngan kuma ha: ‘Akeʹ lete ia.’ Kadoʹ dulu diaʹ tai lingu kuʹun nte.

“Jagaʹ le ikem neng singket singket usa hem. Ban ne dulu ke dakep ikem, ngan tai ngkin ikem palaʹ ukoʹ diaʹ lataʹ pebetep tiraʹ. Ngan dulu ke lemeta ikem dalem amin sebayang. Dulu ke naʹ ikem kaʹ juma diaʹ lataʹ perinta, ngan diaʹ lajaʹ, ban tuman akeʹ. Pekina puyan ncem ke badaʹ denga Injil mida.

Ban ne atek kenai lete kudaʹ kudaʹ Keristus palo, ngan pekina pe pegawa palo. Ida ke uyan tedanaʹ bulen, ngan puyan nyingan iaʹ nenganan ke pelingu kelunan iaʹ Allah ban lemileʹ, ina buk de senteng ke pelingu ida.

“Lepa taru bioʹ ina, mata tau tai lirem, ngan abeʹ un serema bulan laʹa. Ngan betuʹen nai laboʹ cen langit, ngan ketoʹ penyukat kaʹ langit ke tai pasi.