Popular Bible Verses from MARKUS 10

Share

Pekina lete Anak Sio ini, abeʹ e nai apan kelunan ke pubo ia, di lareʹ ia nai apan ne pubo kelunan, ngan mencai udip pe ca liwa tuman kelunan kadoʹ.”

Kun Yesus naʹat ida. Un dau ue mipa ida: “Puyan ini abeʹ nyatan kelunan tengen le ke uyan ne, pit Tuhan Allah tuaʹ iaʹ senteng. Ban ne ketoʹ naʹan puyan inu, senteng te Tuhan Allah uyan ne.”

Un dau Yesus: “Tai ne, pengelan ncoʹ lepa paget ikoʹ.” Dalau ina lete nai ie taʹan, ngan penco tai ie bayaʹ Yesus neng janan ina.

Tuman ina, ayen kelunan metat inu iaʹ Allah lepa pemung.”

Yesus naʹat seʹ silung laki ina, ngan tekaʹ pengemalaʹ kimet te neng ia. Sulo dau ue neng ia: “Bang ca le puyan iaʹ tepa neng ikoʹ laʹa. Tiga ne ikoʹ tai uleʹ, ngan pebeli ketoʹ inu hoʹ, ngan naʹ ligit suaʹ a me kelunan kasip. Ina le ikoʹ ke kayaʹ kaʹ dalem surga ʹo. Uʹo ina hoʹ nai bayaʹ akeʹ.”

Un dau Yesus lemutu ia: “Inu iaʹ ikoʹ ubaʹ akeʹ ke uyan mikoʹ tupe?” Un dau laki butaʹ ina: “Ahaʹ guru, akeʹ nyat kenai taʹan laʹa.”

Un sepuʹo abeʹ e pekina neng ahang ikem. Buk ca usa iaʹ ubaʹ ketai mpau neng ahang ikem, atek ke ke tunuk usa ha neng ikem mung.

Nawai tiga le neng ini aheʹ diaʹ abeʹ un ubaʹ ke alaʹ puyan pengaren Allah ke ngaren ida koʹ baʹan seʹ puyan anak dumit dini are, nyahut de senteng ketai kaʹ dalem pengaren ina ne.”

Un sepuʹo naʹkini, kadoʹ kelunan diaʹ tahaʹ tena ketai tahaʹ bayaʹ, ngan diaʹ tahaʹ bayaʹ ketai tahaʹ tena.”

Iaʹ lan ne, tading Allah uyan kelunan, un dau isiu ue: ‘Allah uyan kelunan laki ngan leto. Tuman ina tekep lete laki tai mecin amai ngan ueʹ e, tai pemung ngan leto ho, ngan ida dua tai nuyan ca le usa.’ Pekina ne seʹ de, abeʹ de tai dua re laʹa, di lareʹ bang ca le usa.