Popular Bible Verses from MATIUS 13

Share

Un sepe beneʹ diaʹ laboʹ kaʹ tanaʹ iaʹ tiga, koʹ baʹan kelunan diaʹ ngeringa katuk ina ngan mentung nte ngetisen sen ne. Penco re un buʹan. Un pe diaʹ tai mato, ngan un pe diaʹ nem puloʹ, ngan un pe diaʹ telu puloʹ.”

Ngan beneʹ diaʹ ban laboʹ kaʹ dalau suhaʹ, koʹ baʹan kelunan diaʹ ngeringa katuk ina are, un sepuʹo moʹ de mawaʹ pengudip usun tanaʹ ini, ngan malaʹ neng kayaʹ de, pa re nampun katuk ina, pa ha abeʹ un buʹan.

Kelunan diaʹ kenahan dau katuk neng puyan pengaren Allah ke ngaren ilu kelunan, ngan abeʹ un tisen sen ne, ida dina ne diaʹ koʹ baʹan beneʹ diaʹ ban laboʹ kaʹ sada janan are. Nai ne kun Bali Jaʹat ʹo, magang katuk iaʹ Tuhan lepa mula dalem kimet de.

Beneʹ diaʹ ban laboʹ kaʹ dalau tanaʹ bere, ina ne koʹ baʹan kelunan diaʹ alaʹ katuk ina, ngan bangen tawai re dalau re kenahan ne. Un sepuʹo katuk ina abeʹ e detem dalem kimet de, ngan abeʹ de majan un ne. Midan nte sihoʹ taru, ngan dulu nyakit ida ban suaʹ katuk ina, laho tai luʹap ne tekaʹ kimet de.

“Puyan pengaren Allah ilu pekata man ca inu iaʹ mpau suaʹ a, iaʹ suhuk dalem tanaʹ. Asin ca kelunan taʹan ne. Moʹ bangen laleʹ kaʹ kimet te, sulo ho mekep pe laʹa. Penco tai ie matu ketoʹ inu iaʹ un neng ia, sulo tai ie ngeliwet ngan lemeli tanaʹ ina are.”

Un sepe palai laboʹ kaʹ tanaʹ iaʹ tiga, ngan penco re un buʹan: un diaʹ tai mato buʹan ne, ngan un pe diaʹ tai nem puloʹ, ngan un pe diaʹ tai telu puloʹ.”

Talan ne udu jaʹat dina mudip serengan ngan padai gandum dina pa ketai tegoʹ ajau tuʹo. Dalau ina akeʹ ke badaʹ me dulu diaʹ majau ue ʹo, un dau heʹ ʹo: Ikem pempun ne udu jaʹat dini ading, sulo lemeka ha apan le ke nutung nge. Uʹo ina hem tai ngkin padai gandum dina ngan tai pedemun ne kaʹ lepubung keʹ ʹo.’ ”