Popular Bible Verses from LUKAS 10

Share

Petawai le ikem neng dau ini: Lepa ne akeʹ naʹ penyukat mikem, idi hem senteng cuk ncung ulai ngan lipa busung, ngan penyukat neng usun ketoʹ pengali Bali Bioʹ iaʹ bunoʹ le, ngan abeʹ un ca inu iaʹ senteng ke ngejaʹat ikem ʹo.

Un dau Tuhan mipa ia: “Marta, Marta, lesau tekaʹ keʹ ikoʹ, moʹ janga tawai hoʹ, ngan bubo seʹ koʹ neng kadoʹ puyan. Bang ca tuaʹ le puyan iaʹ tekep lan. Moʹ un Mariam, lepa ne ia lemileʹ be iaʹ tiga, abeʹ keʹ ke sau ue neng ia.”

Un dau guru ina mipa ia: “Pekini dau dalem Kitap: ‘Atek tekep koʹ ke malaʹ Tuhan iaʹ Tuhan Allah hoʹ man ketoʹ tekaʹ keluʹung kimet coʹ, ngan ketoʹ tekaʹ penawai hoʹ, ngan ketoʹ pengali hoʹ, ngan ketoʹ tekaʹ pengencam kimet coʹ;’ ngan pekina pe: ‘Atek tekep koʹ ke malaʹ lete neng aheʹ aheʹ iaʹ penyeng ngan ncoʹ, koʹ baʹan coʹ malaʹ usa hoʹ tengen.’ ”

Un dau Yesus neng ida: “Bioʹ laleʹ ajau ini, un sepuʹo diaʹ ketai majau ue, kediʹut le. Moʹ ina lemameʹ ne ikem neng Amai Bioʹ iaʹ un ajau ini, apan ia ke cuk palai laʹa tai majau kaʹ ajau ue te.

Un dau Yesus laʹa neng guru idai are: “Kumpin baʹan ncoʹ, neng ahang ida telu usa dina are, aheʹ iaʹ penyeng neng ia iaʹ tegoʹ dulu diaʹ bekelau didai tupe?” Kun dau guru Adet Yahudi ina: “Ia iaʹ un tekaʹ pengelesau neng ia.” Un dau Yesus neng ia: “Buk ke pekina, tai ne ikoʹ, uyan koʹ baʹan ina are.”

Tai ne ikem, ayen turan le. Seʹ keʹ cuk ikem koʹ baʹan cuk anak dumba tai dalau asu lajam.