Popular Bible Verses from LUUKA 8

Share

Dhali gwo gom uni gun ṯa’kkin mo eya ’cesh kun ’bora’bor mo tani uni ita uni gwansan kun ciḵki gwo mo mmodhu uni ki ’bore/ mo ka duŋ gana/ mo dhali ka dum ’borga/ mo dhali uni ki dho’th maman ki mo jin ’kuc̱u/ bwa mo ki ’kari’th mo be.

Dhali gom uni gun biṯkin mo e bwam ma ’de/ mo tani uni ita uni gwansan kun ciḵki gwo mo hili ki uni iikin mo e bway buni mo tani uni koṯẖa to gun noni ’twa/ mo dhali mo jin tanu pa gi pa mo dhali to kun se ’kwani ki ’pen mo e moŋ’ko mo, dhali maman buni ’koki is mo be.

Dhali unin tiya kun biṯkin mo e mowosh mo tani uni ita uni gwansan, ki uni ciḵki gwo mo tani bu’th a’di ki bwaŋ ’kunyu’d mo hila/. Hili uni gwansan idar ga birman mo. Uni gam gwo is mo ari’ceenne/ mo dhali ki mo p̱u’dki’d jin paluwa pal mo tani uni ṯa’kkin mo be.

Dhali a’di ki o uni gwo mo ki: Mane moŋgam gwo is bum mane? Dhali uni ḵo/ki is mo be dhali uni merkin mo mmo/o gwo ka rem ’kup̱ mo ki: Wathi/ yan ta’da ja sa/ haali/ a’di ḵanki ’tham gwo mo dhali yi’de/ mo, dhali uni ha gwom piti e mo be.

Dhali unin tiya kun biṯkin mo e bway tur mo tani uni ita uni gwansan kun ciḵki gwo mo. Yan’ko’d tap̱a ma ruma ’cesh p̱u’dki’d mo dhali ’do gwo ’pena dum buni mo ki uni mini ’koki gam gwo is mo dhali ki uni minu ’koki woṯẖ mo be.

Haali/ toŋ kamu/ yisa baguwa jin minu ’koki ṯor eya tente/ mo walla jin ’dap̱u ’kup̱ mo jin minu ’koki mish mo dhali guyu/ ki moŋkush mo.

Dhali ka ’bom mishki’d ki a’di ’kokunu ki mol mo tani ayim p̱u’dki’d mo dhali deena is kagahara mo dhali biṯa ’cesh mo ibwambori a’di mo dhali a’di ki ṯor gwo mo e bwambori ’kwani ’baar mo mmotana a’di a’di is ki me’d mo dhali mmowac̱kunuwa yim ki jahanne/ mo be. Dhali a’di ki owa yim gwo mo ki: ’Bwa/um, moŋgam gwo is pini wac̱ki /e mo be. Yaku/ /e ki moŋḵu’th is mo ma.

Dhali uni iikin mo mmomer a’di e mo mmo/o a’di gwo mo ki: Tap̱a, Tap̱a, ana ’ce’du/ sho’k mo. Dhali a’di merki e mo dhali ḵucur ’tham ki gwo mo dhali yi’de/ jin bir bakal mo. Dhali uni daḵkan mo dhali mo dosh ki biyuu mo be.