Popular Bible Verses from YOHAAN 19

Share

Ka Yesus bu’thki yiman tom’pac̱a’d mo tani a’di ki o gwo mo ki: A’di ’baarki’d mo, dhali a’di ki luŋ ’kup̱ piti mo dhali c̱i shi/in piti mo be.

’Ko’di mo yansan mo tani Yesus mmomishkina a’di ka ris to ’baar mo ki uni ’baarkunu mo tani oki gwo mo (mmothim Gwo moyi jin ’kwarkunu mo) ki: Aha/ butha yi’de/ mo be.

Ka Yesus p̱arki kum e mo dhali amanciḵ a’di gwo jin ena a’di kagahara jin doshki’d ki ’dishe/ mo tani a’di ki o kum gwo mo ki: A’boma, hili ya/m pini mo ma. Dhali yan’ko’d a’di ki owa manciḵ a’di gwo gwo mo ki: Hili kwan mo ma. Dhali ’peni mo c̱aan mo tani amanciḵ a’di gwo suski’da yim bway gu’b pitiŋ gana/ mo be.

Hili ki uni p̱u’dkina Yesus mo dhali p̱ar a’di e mo ki a’di wuki’d hila/ mo tani uni ’koki ’ce’da yorom piti mo be. Hila askara ’deŋ kamu/ su’kki a’di gwar ka mee mo dhali ki jahanne/ abas guski’d mo dhali yi’de/ mo be.

Haali/ to gwansan uni bu’thki mo mo mmothim Gwo ma Arumgimis jin ’kwarkunu moyi ki: Asiman ṯal ’deŋ kamum piti minu ’koki ’ce’d mo be. Dhali doḵ/e Gwo ma Arumgimisa kamu/ jin ’kwarkunu mo o gwo mo ki: Uni mini hil a’di mo a’di jin su’kkina uni mo be.

Wakan uni bu’thkina Yesus mo dhali a’di yaki’d ka pije/ mo mmoḵal cwany’ciṯẖan dhul pitiŋ gana/ mo e mo jin yuḵkunu gway ki mo ma simaŋ ’kup̱ mo, a’di jin yuḵkunu gway ki ’twaŋ ’Kwani Ibraniyiin mo ka: Gulguṯẖa mo be.

Dhali i/askar uni ṯo’di toŋ’kup̱ ’pena ’de/ mo dhali kar a’di i ’kup̱ piti mo dhali uni ki hi’th a’di burrinyen duḵ is mo.