Popular Bible Verses from Luka 3

Share

Iwanu wose hawamalile kubatitsighwa, kuya Yesu kabatitsighwa. Na hang'ali yolomba, ililanga lighubuka, na Ghumuhe ghwe Imulungu ghumuhulumkila mne lukuli ka lwe injiwa. Litsi kulawa kulanga lilonga, “Ghweghwe kwa Imwanangu yuninoghela, nonoghelighwa naghwe.”

Baho Yohane kawalongela wose, “Nene nowabatitsa mwemwe kwa ghamatsi, lekeni kakutsa yane ngupfu kubita nene, nene sidaha bae kumdoholela mitsabi ye imikwabatsa yake. Ayo katsowabatitsa kwa Ghumuhe ghwe Imulungu na kwa ghumoto ghwa kuhigha.

Mtende aghala igholangusa ka mtsileka nzambi tsenu. Mleke kwilongela, ‘Abrahamu aba wetu!’ Nowalongela, kulawa mne ghamabwe ghano Imulungu kodaha kumlapfila Abrahamu iwana.

Kuya, hoya ikighwa ghoya msina mwe mibiki, apfo chila mbiki yang'aghukweleka ghamatunda ghanoghile ghutsoghanighwa na kwasighwa mna ghumoto.”

Ka pfayandikighwe mne ichitabu cha nabii Isaya, “Litsi lye imunu lyokema kulawa kunyika, ‘Mmwikile ghoya Imtwatsa nzila yake, mgholose nzila yake. Chila lwanda lutsomemetsighwa, chila chidunda na sughulu pfitsomwaghaluka, hanu hapfeduke hatsogholosighwa nzila itsihile tsitsogholosighwa na kukala ghoya. Na iwanu wose watsowona ukombotsi we Imulungu!’ ”