Popular Bible Verses from Hpeu‸maˍ ve li‸ 3

Share

Nyi loˬ, ngaˬ yehˬ miˉ paˇ lo huˉ leh htawˆ chehˇ ve yoˬ. Ngaˬ ve tawˇ hkawˇ hta‸ kaˇ leh yehˬ miˉ hpaw laˇ ve chaw hkʼaˬ ve teˇ gʼaˇ maˇ kʼoˆ, ngaˬ yawˇ geh lo lo‸-e leh, yawˇ geh caˇ tuˬ yoˬ. Yawˇ htawˇ ngaˬ geh caˇ tuˬ yoˬ.

Nawˬ te chehˇ ve kanˉ teˇ hpaˍ hta‸ ngaˬ shiˍ ve yoˬ. Nawˬ lehˬ, gawˬ ve ka‸ maˇ heˆ, chiˆ ve ka‸ maˇ heˆ. Nawˬ lehˬ, gawˬ ve teˇ ceuˬ, maˇ heˆ kʼo chiˆ ve teˇ ceuˬ hpeh‸ tuˬ ve hta‸ ngaˬ heuˆ gaˇ ve yoˬ. Ya‸ hkʼaˇ, nawˬ lehˬ chiˆ ve ka‸ maˇ heˆ, gawˬ ve ka‸ maˇ heˆ, lehˬ ve tiˉ hpeh‸ chehˇ ve pa taw, ngaˬ ve maw‸ kʼaw awˬ hkʼaw lo ngaˬ nawˬ hta‸ hpe‸ baˬ tuˬ yoˬ.

Ngaˬ ha‸ ve chaw teˇ hpaˍ hta‸ ngaˬ deˇ maˍ piˇ leh, hkʼa deh‸ maˍ piˇ ve yoˬ. Hkʼe te leh, hkʼa deh‸ kʼaw‸ nawˇ la leh venˇbaˆ hta‸ dawˇ hpfuhˆ-oˆ.

Yawˇ kʼoˆ ve, Nawˬ te chehˇ ve kanˉ teˇ hpaˍ hta‸ ngaˬ shiˍ ve yoˬ. Nyi loˬ, chaw teˇ gʼaˇ ka‸ hoˆ maˇ gʼa ve yehˬ miˉ teˇ maˬ hta‸ nawˬ mehˆ gʼuˇ suhˍ lo ngaˬ hpaw taˍ peuˬ. Nawˬ awˬ gʼaˇ a ciˉ ceh tiˉ cawˬ ve ka‸, ngaˬ ve tawˇ hkawˇ hta‸ nawˬ na yuˬ peuˬ leh, ngaˬ ve awˬ meh hta‸ nawˬ maˇ baˬ taˉ.

Ngaˬ lehˬ, gʼaˇ shehˍ hpaˇ hpeh‸ leh, ngaˬ Awˬ pa ve kʼaw jaw hkʼoˆ lo ngaˬ Awˬ pa geh mui taˍ ve hkʼe, gʼaˇ ve chaw teˇ gʼaˇ hta‸ ngaˬ ve kʼaw jaw hkʼoˆ lo ngaˬ geh mui tuˬ ngaˬ a hkaw-anˬ piˇ tuˬ yoˬ.

Awˬ lawn kʼo, nawˬ kʼoˆ ve, Ngaˬ lehˬ paw sha ve yoˬ. Mawˇ jeˬ maˇ maˇ shaw hpoˆ taˍ peuˬ. Ngaˬ te‸ chiˉ ka‸ maˇ loˍ teh‸ nawˬ kʼoˆ ve htawˇ, nawˬ lehˬ hkʼaˬ ma hpeh‸ bawˬ tuˬ cawˬ ve, hkʼaˬ ma ha kʼaˉ tuˬ cawˬ ve leh, hkʼaˬ ma haˍ gʼawˇ chehˇ ve hta‸ nawˬ maˇ shiˍ, Nawˬ mehˆ cuˉ leh awˬ kʼu nyi hpeh‸ chehˇ ve hta‸ ka‸ nawˬ maˇ shiˍ law leˇ.

Yeunˇ hkanˍ-o‸ teh‸, ngaˬ nawˬ hta‸ kʼoˆ laˇ ve tawˇ hkawˇ hta‸ nawˬ na yuˬ leh te ve pa taw, miˬguiˬ yaˇ teˇ hpaˍ hta‸ lawˇ nyi tuˬ miˬguiˬ hkʼoˆ teˇ kaˬ le le lo lawˇ nyi ve awˬ yanˇ gaˬ la htaˇ, ngaˬ nawˬ hta‸ ponˬ laˇ tuˬ yoˬ.

Ngaˬ haˆ haˆ laˬ tuˬ yoˬ. Nawˬ ve shi uˉ tcuhˍ hta‸ chaw teˇ gʼaˇ ka‸ maˇ gʼa lu yuˬ tuˬ, nawˬ geh hkʼa cawˬ taˍ ve teˇ hpaˍ hta‸ hkʼa deh‸ vawˆ taˍ-o‸.

Shaw chehˇ-oˆ. Cawˬ taˍ sheˍ ve, suh paˇ neˇ ve awˬ ceuˬ teˇ hpaˍ hta‸ awˬ gʼaˇ hkʼa deh‸ piˇ-oˆ. Awˬ lawn kʼo, ngaˬ ve Gʼuiˬsha mehˆ gʼuˇ suhˍ nawˬ ve kanˉ biˇ la peuˬ ve hta‸ ngaˬ maˇ mawˬ.