Popular Bible Verses from Maˍkuˆ li‸ 8

Share

Awˬ lawn kʼo, hkʼaˬ ve chaw teˇ gʼaˇ maˇ kʼoˆ, a shu yawˇ ve a sha‸ hta‸ ponˬ piˇ gaˇ ve kʼo, yawˇ ve a sha‸ shonˇ tuˬ yoˬ. Ya‸ hkʼaˇ, hkʼaˬ ve chaw teˇ gʼaˇ maˇ kʼoˆ, ngaˬ awˬ pon leh ha lehˬ ve bon hkawˇ awˬ pon yawˇ ve a sha‸ shonˇ ve kʼo, yawˇ ve a sha‸ hta‸ ponˬ piˇ tuˬ yoˬ.

Chaw teˇ gʼaˇ gʼaˇ miˬguiˬ hkʼa peu-eˬ hta‸ gʼa htawˇ, yawˇ ve a sha‸ shonˇ kʼai ve kʼo, aˬ hto‸ ma awˬ bon cawˬ le.

Oˇ htaˇ, chaw awˬ moˍ lonˉ leh yawˇ ve awˬ la‸ gʼawˇ hui hta‸ yawˇ kuˬ yuˬ leh kʼoˆ piˇ ve, Chaw teˇ gʼaˇ gʼaˇ ngaˬ hkʼaˇ suh laˬ gaˇ ve kʼo, a shu yawˇ ve a loˍ hta‸ baˬ taˉ leh, a shu yawˇ ve la‸ ka hta‸ taˆ leh ngaˬ hkʼaˇ suh laˬ-o‸.

Chaw teˇ gʼaˇ gʼaˇ, a shu yawˇ ve a sha‸ awˬ pon aˬ hto‸ ma teˇ ceuˬ hta‸ yuˬ leh pa gʼa tuˬ le. Awˬ lawn kʼo, chaw hkʼaˬ ve teˇ gʼaˇ maˇ kʼoˆ, te ya‸ puiˉ leh venˇbaˆ te puiˉ ve chaw chi teˇ co awˬ hkʼaw lo ngaˬ hta‸ leh ngaˬ ve tawˇ hkawˇ hta‸ ya‸ taw ve kʼo, chaw yaˇ ve Yaˇ hpu lehˬ, yawˇ Awˬ pa ve awˬ me‸ awˬ hponˇ awˬ hkʼaw lo da‸ ve kehˬ ve mvuhˇ naw ma tcuh yaˇ hui geh teˇ geh laˬ ve teˇ yanˇ, chaw oˇ ve hta‸ ngaˬ ya‸ taw tuˬ yoˬ.

Oˇ htaˇ Yeˍsuˆ lehˬ, Nawˬ hui teˇ hpaˍ ngaˬ hta‸ a shu hpeh‸ ve teh‸ kʼoˆ ve le teh‸ yawˇ hui hta‸ na nyi ve teˇ yanˇ, Nawˬ lehˬ Hkri‸ yoˬ teh‸, Peˍtruˆ kʼaw‸ kʼoˆ piˇ ve yoˬ.