Popular Bible Verses from Maˍkuˆ li‸ 2

Share

Tawˇ oˇ ve hta‸ Yeˍsuˆ gʼa kaˇ htaˇ, yawˇ yawˇ hui hta‸ kʼaw‸ kʼoˆ piˇ ve, Chehˇ sha ve chaw hui naˆ tsuhˇ shehˍ hpaˇ hta‸ maˇ loˍ. Naˬ ve chaw hui ceh tiˉ loˍ ve yoˬ. Hteˇ ve cawˇ ve chaw hui hta‸ kuˬ yuˬ tuˬ ngaˬ laˬ ve maˇ heˆ. Venˇbaˆ yaˇ hui hta‸ kuˬ yuˬ tuˬ ngaˬ laˬ ve yoˬ teh‸ kʼoˆ piˇ ve yoˬ.

Yeˍsuˆ lehˬ yawˇ hui yonˍ ve nyi ma hta‸ gʼa mawˬ htaˇ, hkui sheh la‸ sheh suh ve chaw hta‸, Yaˇ paˍ-oˬ, nawˬ ve venˇbaˆ hpehˇ hkʼa peuˬ teh‸ kʼoˆ piˇ ve yoˬ.

Peuˬ leh yawˇ kʼaw‸ kʼoˆ ve, Shinˉ nyi lehˬ chaw yaˇ awˬ pon te taˍ ve yoˬ.

Chaw chehˇ maˇ ve hta‸ pa taw, Yeˍsuˆ geh yawˇ hui lo‸-e maˇ gaˬ leh, Yeˍsuˆ chehˇ taˍ ve awˬ hkʼoˆ lo beh taˍ ve hta‸ yawˇ hui hpaˆ pawnˍ ve yoˬ. Peuˬ leh hpaˆ pawnˍ taˍ kuiˬ lo, hkui sheh la‸ sheh suh ve chaw zuh‸ taˍ ve zuh‸ hpui hta‸ yawˇ hui hpehˇ ya‸-e ve yoˬ.

Chaw yaˇ ve Yaˇ hpu lehˬ, miˬguiˬ hkʼoˆ lo venˇbaˆ hpehˇ hkʼa tuˬ kanˇ paˆ cawˬ ve hta‸ nawˬ hui gʼa shiˍ tuˬ teh‸ kʼoˆ peuˬ leh, hkui sheh la‸ sheh suh ve chaw hta‸ kʼaw‸ kʼoˆ piˇ ve, Ngaˬ nawˬ hta‸ kʼoˆ laˇ ve, tu loˬ. Nawˬ ve zuh‸ hpui hta‸ taˆ leh nawˬ ve aˉ hkʼaw lo kʼo‸-e loˬ teh‸, yawˇ hta‸ kʼoˆ piˇ ve yoˬ.

Hkui sheh la‸ sheh suh ve chaw teˇ gʼaˇ hta‸ tawˇ hkʼaˬ ve teˇ hkawˇ a ciˉ kʼoˆ piˇ sha le. Nawˬ ve venˇbaˆ hpehˇ hkʼa peuˬ teh‸ kʼoˆ piˇ ve sha laˇ. Maˇ heˆ kʼo, Tu leh nawˬ ve zuh‸ hpui hta‸ taˆ leh juˇ kʼai-o teh‸ kʼoˆ piˇ ve sha laˇ.

Oˇ htaˇ yawˇ teˇ cawˬ haˉ tu leh, zuh‸ hpui hta‸ taˆ veu leh chaw chi ma ve mehˆ gʼuˇ suhˍ yawˇ tawˆ kʼai ve yoˬ. Hkʼe te leh, chaw chi ma ve anˇ leh Gʼuiˬsha hta‸ chiˇ uiˍ chiˇ mvuh piˇ leh, Ngaˬ hui teˇ pawˆ ka‸ chi hkʼe ve hta‸ maˇ mawˬ jaw teh‸ kʼoˆ ve yoˬ.