Popular Bible Verses from Yoˇhanˬ li‸ 15

Share

Ngaˬ lehˬ a pehˉ meuˇ te hpeh‸ leh, nawˬ hui lehˬ awˬ kʼaˉ teˇ hpaˍ hpeh‸ ve yoˬ. Ngaˬ awˬ hkʼaw lo chehˇ leh, ngaˬ htawˇ yawˇ awˬ hkʼaw lo chehˇ ve chaw teˇ gʼaˇ lehˬ, awˬ shiˍ maˇ maˇ naw‸ la ve yoˬ. Awˬ lawn kʼo, ngaˬ hta‸ hpaˆ da‸ ve kʼo, nawˬ hui te‸ chiˉ ka‸ te maˇ hpeh‸.

Ngaˬ awˬ hkʼaw lo chehˇ-oˆ. Ngaˬ htawˇ nawˬ hui awˬ hkʼaw lo chehˇ tuˬ yoˬ. Awˬ kʼaˉ lehˬ, awˬ te hta‸ maˇ tcuhˉ naw‸ kʼo, yawˇ hkʼaˇ yawˇ awˬ shiˍ naw‸ la maˇ hpeh‸ ve hkʼa shuˍ shuˍ, nawˬ hui htawˇ ngaˬ awˬ hkʼaw lo maˇ chehˇ ve kʼo, awˬ shiˍ naw‸ la maˇ hpeh‸.

Nawˬ hui ngaˬ awˬ hkʼaw lo chehˇ leh ngaˬ ve tawˇ hkawˇ nawˬ hui awˬ hkʼaw lo chehˇ ve kʼo, nawˬ hui lawˬ gaˇ ve hkʼe lawˬ-o‸. Nawˬ hui gʼa tuˬ yoˬ.

Nawˬ hui ngaˬ hta‸ leuˆ yuˬ ve maˇ heˆ. Ngaˬ nawˬ hui hta‸ leuˆ yuˬ ve yoˬ. Nawˬ hui kʼai leh awˬ shiˍ naw‸ la leh, awˬ shiˍ oˇ ve yeˬ chehˇ tuˬ awˬ pon, ngaˬ nawˬ hui hta‸ leuˆ teh taˍ ve yoˬ. Hkʼe te leh, ngaˬ ve awˬ meh awˬ hkʼaw lo Awˬ pa geh nawˬ hui hkʼa lawˬ ve hkʼa peu-eˬ yawˇ nawˬ hui hta‸ pe‸ laˇ tuˬ yoˬ.

A shu yawˇ ve awˬ chawˇ awˬ pon a shu yawˇ ve a sha‸ tanˇ piˇ ve ha‸ pehnˇ ve teˇ ceuˬ a‸ kehˉ uiˍ ve ha‸ pehnˇ ve teˇ ceuˬ ka‸ maˇ cawˬ.

Awˬ shiˍ maˇ naw‸ ve ngaˬ ve awˬ kʼaˉ teˇ hpaˍ hta‸ yawˇ tawˆ baˬ ve yoˬ. Awˬ shiˍ naw‸ ve awˬ kʼaˉ teˇ hpaˍ lehˬ, leuˉ leh awˬ shiˍ naw‸ maˇ la tuˬ, yawˇ kehˬ lehˍ gu shawˍ piˇ ve yoˬ.

Ngaˬ piˇ taˍ ve tawˇ lehˬ, ngaˬ nawˬ hui hta‸ ha‸ ve hkʼe nawˬ hui teˇ gʼaˇ leh teˇ gʼaˇ ha‸ da‸-o‸.

Nawˬ hui awˬ shiˍ maˇ maˇ naw‸ la ve pa taw, ngaˬ Awˬ pa awˬ me‸ awˬ hponˇ gʼa leh, nawˬ hui htawˇ ngaˬ ve awˬ la‸ gʼawˇ awˬ tehˬ awˬ na hpeh‸ ve hta‸ shu gʼa mawˬ tuˬ yoˬ.

Ngaˬ lehˬ awˬ tehˬ awˬ na ve a pehˉ meuˇ te hpeh‸ ve yoˬ. Ngaˬ ve Awˬ pa lehˬ, hko ha‸ shaˉ shehˍ hpaˇ hpeh‸ ve yoˬ.

Ngaˬ awˬ hkʼaw lo maˇ chehˇ ve chaw lehˬ, awˬ kʼaˉ teˇ hpaˍ hkʼa shuˍ shuˍ chiˇ baˬ ve hta‸ gʼa hkanˍ leh, nawˍ kʼai goˇ kʼai tuˬ yoˬ. Oˇ hkʼe ve awˬ kʼaˉ teˇ hpaˍ hta‸ shu gʼawˆ hpoˆ leh, aˬ miˍ awˬ hkʼaw lo baˬ keu leh aˬ miˍ to‸ baˬ ve yoˬ.

Nawˬ hui awˬ hkʼaw lo ngaˬ ve ha lehˬ ve cawˬ tuˬ leh, nawˬ hui ha lehˬ ve biˇ la tuˬ, tawˇ chi teˇ hpaˍ ngaˬ nawˬ hui hta‸ hto laˇ ve yoˬ.

Ngaˬ lehˬ ngaˬ Awˬ pa piˇ taˍ ve tawˇ hkawˇ teˇ hpaˍ hta‸ na yuˬ leh, yawˇ ve ha‸ pehnˇ ve awˬ hkʼaw lo chehˇ ve yoˬ. Chi hkʼa shuˍ shuˍ, nawˬ hui htawˇ ngaˬ piˇ taˍ ve tawˇ hkawˇ teˇ hpaˍ hta‸ na yuˬ ve kʼo, ngaˬ ve ha‸ pehnˇ ve awˬ hkʼaw lo nawˬ hui chehˇ tuˬ yoˬ.

Ngaˬ nawˬ hui hta‸ tawˇ chi hkʼe piˇ ve yoˬ. Nawˬ hui teˇ gʼaˇ leh teˇ gʼaˇ ha‸ da‸-o‸.

Nawˬ hui lehˬ chi miˬguiˬ hta‸ caˉ da‸ ve kʼo, miˬguiˬ yaˇ hui lehˬ a shu yawˇ ve chaw hta‸ ha‸ tuˬ yoˬ. Ya‸ hkʼaˇ, nawˬ hui lehˬ chi miˬ guiˬ hta‸ maˇ caˉ da‸ leh, miˬguiˬ awˬ hkʼaw lo ngaˬ nawˬ hui hta‸ leuˆ tawˆ ve pa taw, miˬguiˬ yaˇ teˇ hpaˍ nawˬ hui hta‸ canˇ ve yoˬ.