Popular Bible Verses from Awˬ hkuiˉ puiˍ ve li‸ 45

Share

Nawˬ hui ngaˬ hta‸ choˬ kaˬ lo hawˇ baˬ laˇ taˍ peuˬ ve pa taw, dawˇ haˍ hpeh‸ bawˬ ve nyi ma taˇ cawˬ piˇ. Gʼuiˬsha lehˬ, chaw yaˇ teˇ hpaˍ a sha‸ gʼa ponˬ tuˬ, nawˬ hui gʼuˇ suhˍ ngaˬ hta‸ choˬ kaˬ lo peu laˇ taˍ ve yoˬ.

Chi hta‸ pa taw, ngaˬ hta‸ choˬ kaˬ lo peu laˇ ve lehˬ nawˬ hui maˇ heˆ. Gʼuiˬsha hpeh‸ ve yoˬ. Yawˇ lehˬ ngaˬ hta‸ uiˍ jaˇ ve a ma‸ lonˉ hpeh‸ la piˇ leh, Eˇjiˇtu‸ mvuhˇmiˬ hkʼa peu-eˬ awˬ hkʼoˆ ngaˬ hta‸ uˉ peunˍ tcuh laˇ ve yoˬ.

Nawˬ hui ve awˬ ceuˬ awˬ hkʼaˇ teˇ hpaˍ, kʼaw‸ caˉ leh a sha‸ te‸ chehˇ hpeh‸ tuˬ, Gʼuiˬsha lehˬ nawˬ hui gʼuˇ suhˍ ngaˬ hta‸ choˬ kaˬ lo peu laˇ taˍ ve yoˬ.

Oˇ htaˇ, Yoˇseh‸ yawˇ ve awˬ viˉ paˍ teˇ hpaˍ hta‸, Ngaˬ awˬ paˇ neˇ lo jiˆ laˬ-o‸, teh‸ kʼoˆ piˇ ve teˇ yanˇ, yawˇ hui hkʼa peu-eˬ yawˇ awˬ paˇ lo jiˆ kʼai ve yoˬ. Yawˇ kʼoˆ ve, Ngaˬ lehˬ nawˬ hui Eˇjiˇtu‸ mvuhˇmiˬ lo hawˇ baˬ laˇ ve nawˬ hui ve awˬ nyi paˍ Yoˇseh‸ hpeh‸ ve yoˬ.

Mvuhˇmiˬ chi ve hkʼaw meu‸ lonˉ kaˆ lonˉ gaˬ la ve nyiˇ hkʼaw‸ ceh tiˉ gaˬ sheˬ ve yoˬ. Chaw teˇ gʼaˇ ka‸ muiˬ caˇ maˇ gʼa ve awˬ yanˇ ngaˇ hkʼaw‸ cawˬ sheˬ.

Oˇ htaˇ, Yoˇseh‸ yawˇ ve awˬ viˉ paˍ teˇ hpaˍ hta‸ kʼoˆ piˇ ve, Ngaˬ lehˬ Yoˇseh‸ hpeh‸ ve yoˬ. Ngaˬ pa te‸ chehˇ sheˬ laˇ, teh‸ na nyi ve yoˬ. Yoˇseh‸ ve awˬ viˉ paˍ teˇ hpaˍ tawˇ oˇ ve hta‸ gʼa kaˇ ve teˇ yanˇ, kawˆ jaˇ leh te‸ chiˉ kʼaw‸ kʼoˆ maˇ haˆ ve yoˬ.