Popular Bible Verses from Awˬ hkuiˉ puiˍ ve li‸ 22

Share

Aˍbraˍhanˍ lehˬ, chehˇ kuiˬ oˇ ve hta‸ Gʼuiˬsha gu taˍ ve, teh‸ meh piˇ ve yoˬ. Chi hta‸ pa taw, Hkʼaw hkʼoˆ lo Gʼuiˬsha gu taˍ laˇ tuˬ yoˬ, teh‸ chaw yaˇ teˇ hpaˍ ya‸ nyi hkʼa gaˬ kʼoˆ chehˇ taˍ ve yoˬ.

Gʼuiˬsha yawˇ hta‸ kʼoˆ piˇ ve, Nawˬ geh teˇ gʼaˇ tiˉ cawˬ leh nawˬ ha‸ jaˇ ve yaˇ paˍ Iˉcaˆ hta‸ shiˍ veu leh Mawˇriˆ mvuhˇmiˬ lo kʼai-o. Oˇ kaˬ ngaˬ maˍ laˇ tuˬ ve hkʼaw pui teˇ shiˍ hkʼoˆ lo nawˬ ve yaˇ paˍ ngaˬ hta‸ tuˉ tanˇ laˇ-oˆ, teh‸ kʼoˆ piˇ ve yoˬ.

mvuhˇ naw tcuh yaˇ kʼoˆ ve, Yaˇ paˍ chi hta‸ nawˬ te‸ chiˉ taˇ te. Nawˬ lehˬ yaˇ teˇ gʼaˇ tiˉ cawˬ ve htawˇ, maˇ sheˉ lai leh Gʼuiˬsha ve tawˇ hta‸ na yuˬ puiˉ ve chaw hpeh‸ ve hta‸ chi beu‸ ngaˬ gʼa shiˍ peuˬ, teh‸ kʼoˆ piˇ ve yoˬ.

Oˇ htaˇ Aˍbraˍhanˍ kʼoˆ ve, Ngaˬ yaˇ paˍ-oˬ, Gʼuiˬsha gu taˍ laˇ tuˬ yoˬ, teh‸ kʼaw‸ yaw hkʼaw‸ piˇ ve yoˬ.

Ngaˬ lehˬ, nawˬ ve awˬ ceuˬ awˬ hkʼaˇ teˇ hpaˍ hta‸ mvuhˇ naw hkoˆ cawˬ ve meu‸ keu shiˍ leh laˇ tsuhˇ gʼuiˬ pfuhˍ lo cawˬ ve shehˇ shiˍ hkʼa shuˍ maˇ la piˇ tuˬ yoˬ. Nawˬ ve awˬ ceuˬ awˬ hkʼaˇ teˇ hpaˍ lehˬ, yawˇ hui ve canˇ paˍ teˇ hpaˍ hta‸ bawˆ gʼaˇ tuˬ yoˬ. Nawˬ ve awˬ ceuˬ awˬ hkʼaˇ hta‸ pa taw, miˬguiˬ chaw ceuˬ hkʼa peu-eˬ awˬ bon gʼa tuˬ yoˬ. Chi hkʼe hpeh‸ ve lehˬ, nawˬ ngaˬ ve tawˇ hkawˇ hta‸ na yuˬ ve pa taw yoˬ, teh‸ kʼoˆ piˇ ve yoˬ.

Teˇ nyi htaˇ, Gʼuiˬsha Aˍbraˍhanˍ hta‸ lawˇ nyi tuˬ yawˇ geh laˬ leh, Aˍbraˍ hanˍ-oˬ, teh‸ kuˬ ve yoˬ. Aˍbraˍhanˍ htawˇ, Ngaˬ chehˇ taˍ ve yoˬ, teh‸ kʼaw‸ yaw hkʼaw‸ piˇ ve yoˬ.

Yawˇ ve aˉ hte‸ hta‸ gʼawˬ tawˆ leh yawˇ ve yaˇ paˍ hta‸ juˆ-a teh‸ te ve teˇ yanˇ, Gʼuiˬsha ve mvuhˇ naw tcuh yaˇ teˇ gʼaˇ mvuhˇ naw hkʼoˆ chehˇ taˍ leh, Aˍbraˍ hanˍ-oˬ, Aˍbraˍhanˍ-oˬ, teh‸ kʼoˆ ve yoˬ. Aˍbraˍhanˍ kʼaw‸ yaw hkʼaw‸ leh, Ngaˬ chehˇ taˍ ve yoˬ, teh‸ kʼoˆ piˇ ve teˇ yanˇ

Oˇ ve hkʼaw‸ nawˉ, mvuhˇ naw tcuh yaˇ Aˍbraˍhanˍ hta‸ nyiˇ pawˆ teˇ pawˆ tawˇ kʼaw‸ yaw piˇ leh kʼoˆ ve, Nawˬ lehˬ yaˇ paˍ teˇ gʼaˇ tiˉ cawˬ ve htawˇ, maˇ sheˉ lai leh ngaˬ kʼoˆ ve hkʼe te ve pa taw, ngaˬ nawˬ hta‸ awˬ bon maˇ maˇ na‸ laˇ tuˬ yoˬ.

Yawˇ huiˉ maˬ awˬ gʼuˇ suhˍ kʼaw‸ kʼai leh Gʼuiˬsha kʼoˆ piˇ taˍ ve chehˇ kuiˬ lo gaˬ ve teˇ yanˇ, Aˍbraˍhanˍ lehˬ Gʼuiˬsha hta‸ tuˉ tanˇ kuiˬ te leh suhˆ teˇ hpaˍ yuˬ hpoˆ taˍ ve yoˬ.