Popular Bible Verses from MARKUSI 10

Share

Nə pa' Mú mo la tə́ sɔ' m gɑ pu fa' bi é pɑ́, e lə sɔ' m nə fa' biŋ hɑ vɔk e nə́ nə ŋkwyəpnyə thə pɔ jɔmyɔ̌m.

Yeso lə lě wap dəŋdəŋ gɔm bi pu gɑ: A bɑ a cyə pɔmnəŋ, da' gɑ a tə́ bɑ ǎ cyə Si pɑ́, nə pa' ywə yə a cyə́ Si a tə̌ wə́ pɑ́.

Yeso ghɔm bi e gɑ: Ghɔ̌, piŋnthʉm o vɔk o. Fʉ bɔ lə wuŋ jɔ tsʉ', jap jʉ̌m Yeso mə́jyə.

A po'o tə mo kɑ́ haptə ywə yə Si nthamtə a.

Yeso lə lě é, bɑ ŋkhúŋ é; gɔm bi e gɑ: Ta' ywə wə́ jak bu; ghɔ̌, tsə tsyə o gə a, o fiŋ, hɑ bi mpə̌ŋ, biŋ sɔ' gə fʉ' kɛbə̀ŋ, biŋ sɔ' jap jʉ̌m m̀.

Yeso ghɔm bi e gɑ: O shə́ŋ gɑ́ ŋ gə la bu? Gɛ fʉ pa' bi e gɑ: Rabuni gɑ myə̀ piŋ jɔ tsʉ'.

A tə bɑ́ pɑ po'o cəcɑ̌ po pɑ́. Mo pɑ gɔ pɑ mo gwyə cəcɑ po e pɑ gɛ fa' yɔ.

Kwa' nyənyɔ gɑ̌ siŋ wɔ gɑ́ mo pɑ́ tə lɑ Nəfo Si pa' mu kəcɔk mu a, bɑ e tə gɔ sɔ' ko nə́ pɑ́.

Bo'gwyə pɑ dzə́ gɔ sɔ' cʉ' pɑ jʉ̀m a pɑ jʉ̀m piŋ shʉ' pɑ dzə̀.

Da' gɑ cwə nə nə to', Si lə ghə mbɛ pu mjwǐ; a po'o tə́ mbɛ gɔ sɔ' tə́m nə tap é pu map e piŋ kwɑ́ nə jwi é, pu e pɑpʉə́ cʉ' pɑ́ ta' bap nɑ́ yɑmu'. A po'o tə́ wap tə́ biŋ bɑ pɔ pɑpʉə pɑ́, wap bɑ pɑ́ ta' mo.