Popular Bible Verses from Markus 6

Share

Ammaa, yimɓe ɗuuɗɓe ɗon ngara, ɗon ndilla, haa Yeesu e pukara'en muuɗum keɓaay wakkati nyaamugo. Ngam maajum o wi'i ɓe: “Ngare ndillen haa nokkuure ferwunde haa on ciwto seɗɗa.”

Nden Yeesu wi'i ɓe: “Yimɓe ɗon teddina annabiijo koo toy, ammaa nder wuro ngo o danya e caka banndiraaɓe maako e yimɓe saare maako o walaa tedduŋgal.”

Nde Yeesu jippi koommbowal, o yi'i mooɓre yimɓe ɗuuɗɓe. O yurmini ɓe, ngam ɓe nanndi bee baali ɗi ngalaa gaynaako. O fuɗɗi ekkitingo ɓe kuuje ɗuuɗɗe.

Yeesu waawaay waɗugo kaayeefiwol koo ngole ton, sey o yowi juuɗe maako dow nyawɓe woɗɓe, o yamɗitini ɓe. O hayɗini ngam sooynde nuɗɗinki maɓɓe. Ɓaawo maajum Yeesu yiiloyi haa gure lesdi man fuu, o ekkitini yimɓe.

Nden Yeesu hoo'i tamseeje jowi e liɗɗi ɗiɗi go, o tijji asama, o yetti Allah. Nden o yewi tamseeje, o hokki pukara'en ngam ɓe cenndana yimɓe. Bana non boo o senndani ɓe liɗɗi ɗiɗi go ɓe fuu. Ɓe fuu ɓe nyaami, ɓe kaari. Pukara'en mooɓti luttuɗum tamseeje e liɗɗi go, kebbini cilaaje sappo e ɗiɗi.