Popular Bible Verses from Mga Salmo 139

Share

Gidayeg ka nako kay katingalahan gayod ang pagkahimo mo kanako. Katingalahan ang imong mga buhat, ug nasayod gayod ako niini.

Susiha ako, O Dios, aron mahibaloan mo kon unsay anaa sa akong kasing-kasing. Sulayi ako, aron mahibaloan mo kon unsay anaa sa akong huna-huna. Tan-awa kon aduna ba akoy nahimo nga daotan, ug agaka ako sa dalan nga angay kong agian hangtod sa kahangtoran.

Nakaila ka kanako kay ikaw ang naghimo kanako. Ikaw ang gaumol kanako didto sa tagoangkan sa akong inahan.

Nakita mo na ako sa wala pa ako maporma. Ang gitagal nga mga adlaw sa akong kinabuhi nasulat na sa imong libro, bisan wala pa kini magsugod.

GINOO, gisusi mo ako ug nakaila ka kanako.

Asa man ako moadto aron makaikyas sa imong Espiritu? Makatago ba ako sa imong presensya?

Nahibalo ka kon kanus-a ako molingkod o motindog. Bisan anaa ikaw sa halayo nasayod ka sa tanan kong gihuna-huna.

GINOO, bisan wala pa ako makasulti, nahibaloan mo nang daan ang akong isulti.

Gibantayan mo ako sa akong paglakaw ug pagpahulay. Nahibalo ka sa tanan kong ginahimo.