Popular Bible Verses from Mga Salmo 103

Share

Dayegon ko gayod ang  GINOO, ug dili ko gayod kalimtan ang iyang kaayo.

Gipasaylo niya ang tanan kong sala, ug giayo niya ang tanan kong balatian. Giluwas niya ako gikan sa kamatayon, ug gipanalanginan niya ako sa iyang gugma ug kaluoy. Gitagbaw niya ako sa maayong mga butang samtang ako nagkinabuhi, aron nga magpabilin akong batan-on ug kusgan sama sa agila.

Dayegon ko gayod ang  GINOO. Dayegon ko siya sa iyang pagkabalaan sa tibuok kong kinabuhi.

Ug maingon nga ang usa ka amahan maluoy sa iyang mga anak, maluoy usab ang  GINOO sa mga nagtahod kaniya.

Gipahilayo niya ang atong mga sala gikan kanato, sama sa gilay-on sa sidlakan gikan sa kasadpan.

Adunay kahangawa siya ug maluloy-on; mahigugmaon siya ug dili daling masuko.

Wala niya kita siloti sa angay nga silot sa atong mga sala. Kay maingon nga dili masukod ang gilay-on sa langit ug sa yuta, dili usab masukod ang kadako sa iyang paghigugma ngadto sa mga nagtahod kaniya.

Gipahimutang sa GINOO ang iyang trono didto sa langit, ug naghari siya sa tanan.