Popular Bible Verses from Mga Panultihon 21

Share

Ang tawo nga nagtinguha gayod nga magkinabuhi nga matarong ug matinud-anon, makaangkon ug taas nga kinabuhi ug kalamposan, ug ang mga tawo modayeg kaniya.

Kon magplano kag maayo ug magmakugihon, sigurado nga mouswag ka. Apan kon magdali-dali ka, sigurado nga mapobre ka.

Ang tawong nagbantay sa iyang ipanulti malikay sa kasamok.

Alang kanato husto na gayod ang tanan natong ginahimo, apan ang  GINOO ray nasayod sa tinuod natong motibo.

Bisan hanas na ang mga kabayo sa gira, ang  GINOO ray makapadaog.

Mas ikalipay sa GINOO ang husto ug matarong nga binuhatan sa tawo kaysa iyang mga halad.

Walay kaalam, panabot, o tambag nga makatupong sa GINOO.

Kon dili mo panumbalingon ang mga kabos kon mangayo sila ug tabang, dili ka usab panumbalingon kon mangayo ka ug tabang.