Popular Bible Verses from Mga Panultihon 17

Share

Ang higala naghigugma kanimo sa tanang panahon, ug ang kadugo motabang kanimo sa panahon sa kalisdanan.

Kon malipayon ka, makahatag kinig kaayohan sa imong panglawas, apan kon masulob-on ka, maglain imong pamati.

Kon pasayloon mo ang imong higala nga nakasala kanimo, magpabilin ang inyong panaghigalaay, apan kon balik-balikon mo paghisgot ang iyang sala, maguba ang inyong panaghigalaay.

Ang tawong maalamon ug adunay panabot magbantay sa iyang isulti ug kalmado.

Bisan ang buang-buang maalaan nga maalamon ug adunay panabot kon maghilom-hilom lang.

Mas maayo pa nga gamay ra ang pagkaon nga malinawon ang panimalay kaysa magkombira nga adunay panag-away.

Ang nagsugod pa lang nga away nahisama sa buslot sa tangke sa tubig. Santaa kini sa dili pa modako.

Ngil-aran ang  GINOO sa tawong mohukom nga silotan ang dili sad-an o mohukom nga hatagag kagawasan ang sad-an.