Popular Bible Verses from Panultihon 14

Share

Tingali naghunahuna ka nga nagsubay ka sa ensaktong dalan, apan padulong diay kini sa kalaglagan.

Ang malinawong hunahuna makaayo sa lawas, apan ang kasina sama sa sakit nga mokutkot sa kabukogan.

Ang tawong mapailubon maalamon gayod, apan ang tawo nga daling masuko nagapakita sa iyang pagkabuang-buang.

Ang maalamon nga asawa mopalig-on sa iyang panimalay, apan ang buang-buang nga asawa moguba sa iyang panimalay.

Ang pagtahod sa GINOO maghatag ug seguridad ug kalig-on ngadto sa tawo ug sa ilang mga anak.

Ang pagtahod sa GINOO makaayo ug mopalugway sa imong kinabuhi, ug makapalikay kanimo sa kamatayon.

Ang tawong maalamon nagaamping sa iyang kaugalingon ug nagalikay sa kasamok; apan ang buang-buang danghag ug walay pagpugong sa kaugalingon.