Popular Bible Verses from Panultihon 11

Share

Ang tawong mahinatagon mouswag. Ang tawo nga nagatabang sa uban tabangan usab.

Ang mga mahinatagon misamot hinuon pag-uswag; apan ang mga hakog misamot hinuon ug kakabos.

Ang manghambog maulawan, apan ang mapainubsanon mahimong maalamon.

Mapukan ang usa ka nasod kon wala kini mga magtatambag, apan molig-on kini kon daghan ang mga magtatambag.

Ang binuhatan sa tawong matarong makatabang sa uban nga mahimong motarong ug motaas ang ilang mga kinabuhi. Ug maaghat niya ang mga tawo sa iyang kaalam.

Ang libakera manugilon sa sekreto, apan ang tawong kasaligan makatago ug sekreto.

Kon maayo ka sa uban, makahatag kinig kaayohan kanimo; apan kon bangis ka, kasakit ang imong padulngan.

Madismaya ang tawo nga nagasalig sa iyang bahandi, apan ang matarong mouswag sama sa labong nga tanom.

Ang bahandi dili makatabang kon silotan sa Dios ang tawo sa kamatayon, apan ang matarong nga pagkinabuhi makaluwas gikan sa kamatayon.

Ang tawong matarong nasayod sa iyang pagabuhaton kay nagsubay siya sa ensaktong pagkinabuhi, apan ang maluibon malaglag kay ang sayop maoy iyang ginakinabuhi.

Ang katahom sa babayeng walay maayong desisyon sama lang sa singsing nga bulawan nga anaa sa simod sa baboy.

Ngil-aran ang GINOO sa manikas ug timbang, apan malipay siya sa dili tikasan.