Popular Bible Verses from Markôs 4

Share

Yêsu tơgŭ, pơkhư̆ hĭ angĭn hăng laĭ kơ jơlah ia tui anai, “Rơiăt bĕ! Hơđơ̆ng bĕ!” Giŏng anŭn, angĭn hơđơ̆ng tui laih anŭn dŏ hĭ lơlĕh mơtam. Ñu laĭ hăng ƀing ding kơna Ñu tui anai, “Yua hơget ƀing gih huĭ bra̱l lĕ? Ƀing gih ƀu hơmâo tơlơi đaŏ kơnang ôh hă?”

Ƀing ding kơna huĭ tơtư̆ biă mă hăng pơtơña kơ tơdruă gơñu tui anai, “Hlơi Pô anai jing tơl angĭn hăng jơlah ia ăt gưt tui Ñu mơ̆n lĕ?”

Yêsu ăt dŏ pĭt pơ gah klon sŏng ƀơi hơnăl akŏ. Ƀing ding kơna râo Ñu hăng laĭ tui anai, “Ơ Nai ăh, Ih ƀu bơngơ̆t ôh kơ ƀing ta jĕ či tram laih hă?”

Yêsu laĭ dơ̆ng tui anai, “Tui anŭn, răng bĕ kơ tơlơi ƀing gih hơmư̆. Tơlơi pơkă gir kiăng kơ thâo hluh pă ƀing gih yua kiăng kơ tŭ mă tơlơi thâo hluh, ăt tơlơi pơkă kar hăng anŭn mơ̆n ƀing gih či tŭ mă, laih anŭn ƀing gih ăt či tŭ mă lu hloh dơ̆ng mơ̆n.

Yêsu ăt laĭ tui anai dơ̆ng, “Anai yơh hiư̆m dêh čar Ơi Adai jing. Anŭn jing kar hăng sa čô mơnuih sai pơjĕh pơdai amăng hơma ñu. Mlam hăng hrơi, ñu pĭt ƀôdah tơgŭ, pơjĕh anŭn čăt đĭ prŏng tui yơh wơ̆t tơdah ñu pô ƀu thâo hluh ôh hiư̆m pă pơjĕh anŭn čăt đĭ.

Tơdah hlơi pô hơmâo tơngia kiăng kơ hơmư̆, brơi kơ ñu pơđi̱ng hơmư̆ bĕ!”