Popular Bible Verses from Luk 6

Share

pha brơi bĕ kơ arăng, tui anŭn ƀing gih či tŭ gơnam pha brơi kơ ƀing gih yơh; gơnam djơ̆ hơnơ̆ng, gư̱̆ trŭn, rơyŭh jum dar, tuh bă blai ƀơi ngŏ, ƀing gih či tŭ mă gơnam pha brơi bă blai yơh ƀơi anăp gih. Gơnam pơkă pă ƀing gih pơkă brơi kơ arăng, gơnam pơkă pơdôm hăng anŭn mơ̆n arăng či pơkă brơi glaĭ kơ ƀing gih.”

Sa čô mơnuih hiam, mơ̆ng tơlơi pơmĭn pran jua hiam ñu yơh, pơtơbiă rai tơlơi hiam; samơ̆ sa čô mơnuih sat, mơ̆ng tơlơi pơmĭn pran jua sat ñu yơh, pơtơbiă rai tơlơi sat, yuakơ hơget tơlơi dŏ amăng jua pơmĭn mơnuih yơh, pơtơbiă rai tơlơi pơhiăp anŭn ƀơi amăng bah.”

Samơ̆ bơ kơ ƀing gih, khăp bĕ kơ ƀing rŏh ayăt gih, ngă hiam bĕ, brơi čan bĕ laih anŭn anăm čang rơmang kơ ƀing gơñu kla glaĭ ôh. Tui anŭn, tơlơi bơni gih či prŏng biă mă yơh laih anŭn ƀing gih či jing ană bă Pô Prŏng Hloh mơ̆n, yuakơ Ñu ăt ngă hiam kơ ƀing ƀu hơdơr tơngia wơ̆t hăng ƀing klih mơ̆n.

Brơi ƀing gih thâo pap bĕ kar hăng Ama gih thâo pap.”

Yêsu pơhiăp dơ̆ng tui anai, “Anăm phŏng kơđi arăng ôh, tui anŭn ƀu či hơmâo hlơi pô phŏng kơđi ƀing gih ôh; anăm klă̱ kơđi kơ arăng ôh, tui anŭn ƀu či hơmâo hlơi pô klă̱ kơđi ôh kơ ƀing gih; pap brơi kơ arăng bĕ, tui anŭn ƀing gih či hơmâo tơlơi pap brơi yơh

Giŏng anŭn, Yêsu pơhiăp dơ̆ng tui anai, “Samơ̆ kơ ƀing gih, jing ƀing dŏ hơmư̆, Kâo laĭ tui anai: Khăp bĕ kơ ƀing ayăt gih, ngă hiam bĕ kơ pô pơrơmut kơ ƀing gih, bơni hiam bĕ kơ ƀing hơtŏm păh kơ ƀing gih laih anŭn iâu laĭ bĕ kơ ƀing hơtŏh djraĭ kơ ƀing gih.

Hơget tơlơi ƀing gih kiăng kơ ƀing arăng ngă brơi kơ ƀing gih, brơi kơ ƀing gih ăt ngă bĕ tơlơi anŭn kơ ƀing gơñu mơ̆n.

Tơdah hlơi pô păh meng gih gah hơnuă, brơi kơ ƀing gih nger brơi gah ieo mơ̆n kơ ñu; tơdah hlơi pô kiăng mă ao jao gih buh gah rơngiao, brơi kơ ñu mă wơ̆t hăng ao rơpi̱h gih buh gah lăm mơ̆n. Pha brơi bĕ kơ hlơi pô kwưh rơkâo mơ̆ng ƀing gih. Hlơi pô mă pơđuaĭ hĭ gơnam gih, ƀing gih anăm khŏm mă glaĭ ôh.

Giŏng anŭn, Yêsu pơhiăp dơ̆ng tui anai, “Phŭn kơyâo hiam ƀu dưi pơtơbiă rai boh čroh sat ôh, laih anŭn dơ̆ng kơyâo sat kŏn dưi pơtơbiă rai boh čroh hiam lơi.

Rĭm boh čroh tơbiă rai mơ̆ng djuai kơyâo boh čroh anŭn yơh. Arăng ƀu pĕ boh hra mơ̆ng phŭn drơi ôh; arăng kŏn pĕ boh kơƀâo mơ̆ng pum drơi lơi.