Popular Bible Verses from Luk 17

Share

Tui anŭn, Yêsu laĭ kơ pô anŭn tui anai, “Tơgŭ bĕ laih anŭn nao hiam! Ih hơmâo suaih laih yuakơ ih đaŏ kơ Kâo yơh.”

Tơdah ayŏng adơi gih anŭn pơsoh hĭ ƀing gih tơjuh wơ̆t amăng sa hrơi laih anŭn ăt tơjuh wơ̆t mơ̆n ñu rai pơ ƀing gih kơhma̱l laĭ tui anai, ‘Rơkâo ih pap brơi kơ kâo đa,’ brơi ƀing gih pap brơi ñu bĕ.”

Tơdang ƀing gơñu ƀuh gơñu pô hơmâo suaih laih, hơmâo sa čô amăng ƀing gơñu đôč wơ̆t glaĭ pơ Yêsu laih anŭn bơni hơơč kraih krin kơ Ơi Adai. Ñu bon kơkuh ñu pô ƀơi anăp Yêsu laih anŭn bơni kơ Yêsu. Ñu anŭn jing mơnuih Samaria ƀu djơ̆ mơnuih Yehudah ôh kŏn hrup hăng ƀing suaih pơkŏn lơi.

“Tơdah ayŏng adơi gih pơsoh hĭ ƀing gih, brơi kơ ƀing gih ƀuăh pơtô ñu bĕ. Tơdah ñu kơhma̱l laih tơlơi soh, brơi ƀing gih pap brơi kơ ñu bĕ.

Yêsu tơña tui anai, “Ƀu djơ̆ pluh čô ôh Kâo hơmâo pơsuaih laih hă? Pơpă duapăn čô adih dơ̆ng lĕ?

Yêsu laĭ glaĭ tui anai, “Tơdah ƀing gih hơmâo tơlơi đaŏ wơ̆t tơdah anet đơr asar añăm hơbơi samơ̆ dưi prŏng đĭ laih anŭn ƀing gih ăt dưi laĭ kơ kơyâo prŏng anai, ‘Tơbuč bĕ laih anŭn nao čăt bĕ amăng ia rơsĭ!’ Kơyâo anŭn či gưt kơ ƀing gih yơh.”

Hlơi pô gir kiăng răk wai tơlơi hơdip ñu ƀơi lŏn tơnah anai ƀu kiăng đuaĭ tui Kâo, ñu anŭn či pơrơngiă hĭ tơlơi hơdip hlŏng lar ñu yơh. Samơ̆ hlơi pô ƀu gir răk wai ôh tơlơi hơdip ñu ƀơi lŏn tơnah anai hăng đuaĭ tui Kâo, ñu anŭn či hơmâo tơlơi hơdip hlŏng lar yơh.

Yêsu laĭ hăng ƀing ding kơna Ñu tui anai, “Sĭt či hơmâo lu tơlơi plư yơh ngă kơ mơnuih ngă soh, samơ̆ răm ƀăm yơh kơ pô plư ngă brơi kơ arăng ngă soh. Hiam hloh kơ ñu anŭn tơdah arăng akă sa boh rơsŭng pơtâo prŏng ƀơi tơkuai ñu laih anŭn glŏm trŭn hĭ ñu amăng ia rơsĭ yơh hlâo kơ ñu hơmâo plư pơlê̆ hĭ laih sa čô amăng ƀing đaŏ kơ Kâo anai ngă soh. Tui anŭn, gih pô khŏm răng bĕ!

“Hiư̆m pă hơdră jơlan mơnuih mơnam hơmâo ngă ƀai laih amăng rơnŭk Noah đưm hlâo adih, ăt hơdră jơlan hrup hăng anŭn mơ̆n mơnuih mơnam či ngă amăng rơnŭk Kâo, jing Ană Mơnuih či wơ̆t glaĭ. Hlak amăng rơnŭk đưm anŭn, ƀing gơñu ƀơ̆ng mơñum, ngui ngor, pơdŏ rơkơi bơnai nanao, hlŏng truh kơ hrơi Noah hăng sang anŏ ñu mŭt amăng kŏmpăn. Giŏng anŭn, ia li̱ng rai lip pơrai hĭ abih bang ƀing gơñu yơh.