Popular Bible Verses from Čơdơ̆ng Phŭn 22

Share

Tui anŭn, Abraham pơanăn anih anŭn jing Yahweh Či Pha Brơi. Laih anŭn truh kơ tă anai arăng ăt iâu anih anŭn “Ƀơi čư̆ Yahweh, Ñu pha brơi.”

Giŏng anŭn, Ơi Adai laĭ, “Mă bĕ ană ih Isa̱k, jing ană ih khăp biă mă kơnơ̆ng ha čô anŭn, laih anŭn nao bĕ pơ tring Môriah. Pơyơr bĕ ñu pơ anŭn jing sa gơnam pơyơr čuh ƀơi sa boh čư̆ amăng khul čư̆ Kâo či kơčrâo brơi.”

Ling jang laĭ, “Anăm pơdjai hĭ ôh ană ih anŭn. Anăm ngă hơget kơ gơ̆ ôh. Ră anai Kâo thâo ih huĭ pơpŭ kơ Ơi Adai yuakơ ih ƀu hơmâo hơngah hĭ ôh kơ Kâo kiăng kơ pơyơr hĭ ană ih kơnơ̆ng ha čô anŭn.”

Abraham laĭ glaĭ, “Ơ ană, Ơi Adai Pô yơh či pha brơi triu kiăng kơ pơyơr čuh.” Laih anŭn gơñu dua rơbat nao hrŏm hơbĭt.

Sĭt yơh Kâo či bơni hiam laih anŭn ngă brơi kơ ƀing kơnung djuai ih lu kar hăng khul pơtŭ pơ adai laih anŭn čuah ƀơi ha̱ng ia rơsĭ yơh. Ƀing kơnung djuai ih či dưi hĭ hăng ƀing rŏh ayăt gơñu laih anŭn sua mă hơdôm plei pla ƀing rŏh gơñu, laih anŭn mơ̆ng kơnung djuai ih yơh abih bang lŏn čar amăng lŏn tơnah či hơmâo tơlơi bơni hiam, yuakơ ih hơmâo tui gưt laih Kâo.”

Tơdơi ƀiă kơ anŭn Ơi Adai lông lăng Abraham. Ñu pơhiăp hăng gơ̆, “Ơ Abraham!” Gơ̆ laĭ glaĭ, “Kâo yơh anai.”

Samơ̆ ling jang Yahweh mơ̆ng adai ur kraih khă kơ ñu, “Ơ Abraham! Abraham hơi!” Ñu laĭ glaĭ, “Kâo yơh anai.”

Ling jang Yahweh iâu Abraham mơ̆ng adai tal dua dơ̆ng tui anai, “ ‘Kâo ƀuăn rơ̆ng hăng tơlơi dưi Kâo pô,’ Yahweh laĭ tui anai yuakơ ih hơmâo ngă laih tơlơi anai laih anŭn ƀu hơmâo hơngah hĭ ôh kơ Kâo kiăng kơ pơyơr hĭ ană ih kơnơ̆ng ha čô anŭn.

Tơdang ƀing gơñu truh pơ anih Ơi Adai hơmâo pơtă brơi laih, Abraham pơdơ̆ng đĭ sa kơnưl ngă yang pơ anŭn hăng dap djŭh jum dar ƀơi ngŏ anŭn. Ñu mă akă ană ñu Isa̱k laih anŭn pơđih hĭ gơ̆ ƀơi ngŏ kơnưl, jing gah ngŏ kơ djŭh anŭn.